Alto Comisario Kock: Lo delibera atrobe con pa atende cu politiconan cu viola acuerdo durante campaña

ORANJESTAD – Cuerpo policial lo delibera internamente con pa atende cu e comportacion di e politiconan pa e proximo simanan. Asina hefe maximo di polis Vanessa Tjon-Kock a bisa durante un conferencia di prensa diahuebs atardi. Segun e Alto Comisario, e motibo di esaki ta e resultado di e fin di siman unda cu mester a atende por lo menos 28 caso unda cu politiconan a viola e acuerdo cu tabatin cu cuerpo policial y crisis team rond di e situacion di crisis y e maneho di campaña electoral. 

PAKICO NO TA ACTUA

E pregunta a bin di noticiacla, pakico polis no ta actuando contra politiconan cu ta violando e reglanan, y of ta creando e percepcion cu polis tin miedo di actua contra politiconan pasobra por spera represaya. Esaki ta difundi di comentario di e usuarionan di e portal despues di a publica e raportahe di e fin di siman cu a pasa. A puntra sra Tjon-Kock, pa duna mas informacion si a actua enberdad contra politiconan y kico tur e actuacion aki a ensera. Tambe pa informa esaki ora cu den futuro cercano politiconan viola e acuerdonan haci.