Militarnan di Caribe Hulandes a duna apoyo na Conmemoracion di Victimanan di Guera

ORANJESTAD - E Monumento di Víktimanan di Guera Antiano (“Monument voor de Antilliaanse Gevallenen”) riba Adriaan Laclé Boulevard na Oranjestad ta e localidadfiho di recordatorio na Aruba. E monumento aki  a keda lanta pa recorda tur e Antianonan cu durante Di Dos Guera Mundial a fayeca pa motibo di acontecimentunan di guera. Riba e placa tin 129 nomber di Antianonan cu a perece, durante Segundo Guera Mundial. Tambe na Willemstad, Corsou y na Kralendijk, Bonaire, tin un monumento cu e mes un placa. Na e ceremonia tabatin presente algun dignatario halto, por ehempel Gobernador Boekhoudt y Minister President (Demisionario) Wever-Croes. Defensa por a guia e ceremonia conmemorativo na Aruba.Teniente van Haaren su palabranan: “Mi a considera un honor pa por a guia e ceremonia conmemorativo na Aruba, hunto cu e Cuerpo di Mariniernan.  Ta bon pa mira cu no opstante e medidanan di limitacion pa Covid, e conmemoracion di 4 di Mei, por a tuma luga den e parti di Caribe den Reino.”