Partidonan politico a haya nan orario pa entrega lista diabierna

ORANJESTAD – Oficialmente partidonan politico cu kier participa na e proximo eleccion,  a haya un orario pa entrega nan lista diabierna awe mainta. Prome cu esey, te cu diamars mainta tempran ainda, partidonan no tabatin conocemento di e orario. Sinembargo asina mes tabatin un partido cu si a publica nan orario for di fin di siman sin a haya un orario fiho. Ta trata di partido AVP cu ya a anuncia cu diabierna awor nan ta spera nan simpatisantenan pa yega den auto. Pero fuentenan den Censo a confirma diamars cu ainda partidonan politico no a haya invitacion pero nan lo ricibi nan carta di invitacion den curso di dia of siman. Varios partido politico a bisa e portal aki tambe cu te cu diamars mainta, no a haya invitacion pa entrega di lista. Partido RAIZ no ta riba e lista pasobra nan a opta pa entrega nan lista di forma digital, esta via email. 

LISTA DI PARTIDONAN CU LO ENTREGA NAN LISTA DIABIERNA

9'or am Accion 21

9:30 am PPA

10'or am Pueblo Prome

10:30am Red Democratico

11'or am UPP

11:30am MEP

12'or pm CURPA

1'or pm MAS

1:30pm POR

2'or pm HTC

3:30 pm AVP

CAMBIO

Manera ta conoci, e aña aki tin cambio den e proceso di entrega lista, debi na e pandemia. Entre otro por entrega lista via email of via cita, unda cu solamente dos persona por entrega lista na un ora specifico.