Pareha biyonario Bill y Melinda Gates a anuncia nan divorcio

MEDINA – E pareha biyonario Bill y Melinda Gates a anuncia dialuna den un declaracion conhunto cu despues di 27 aña, nan lo divorcia. Nan tin 3 yiu y ta balora na 130 biyon dollar Mericano. Nan lo sigui traha hunto cu e fundacion cu nan a lanta, pero no ta kere cu nan lo por crece mas como pareha den e siguiente fase di nan bida. Nan a cuminsa date na 1987 despues di un show di computer, y despues Melinda a bay traha pa Microsoft, e compania cu Bill a funda. Nan a casa 1 di januari 1994, y Melinda a bandona e compania na 1996 pa enfoca riba e yiunan. Ambos ta conoci pa nan actonan filantropico unda cu a haci donacion di mas di 28 biyon den 2014. E fundacion mes The Bill & Melinda Foundation nan a funda na 2000. E ultimo pareha biyonario cu a divorcia tabata e pareha Bezos, unda cu despues di e divorcio, e casa a bira e muher mas rico di mundo.  No ta conoci si esaki lo bira e caso aki tambe den e divorcio aki.