Ministerio Publico a pidi periodista despensa pa a detene durante Toque de Queda

Ministerio Publico a pidi periodista despensa pa a detene durante Toque de Queda

Posted on 05/3/2021 3:34 pm AST | Updated on 05/3/2021 3:45 pm AST

ORANJESTAD – Casi un aña despues cu polis a detene e periodista Sharina Henriquez durante Toque de Queda, Ministerio Publico a pidi e periodista en cuestion despensa y a seponeer su caso tambe. Den un carta di Procurador General Ter Stege, ta admiti cu e detencion tabata uno no corecto. Asina e periodista a informa su coleganan di prensa den un conferencia di prensa dialuna mainta. Ademas, gobierno Hulandes (BZK) a palabra cu lo haci cosnan diferente otro biaha, ora cu raporta asuntonan asina. 

KICO A PASA

Tabata diadomingo dia 22 di maart aña pasa cu polis a detene Henriquez durante e dos anochi di e prome Toque de Queda cu Aruba a conoce ora cu e pandemia di Coronavirus a cuminsa na Aruba algun dia prome. E anochi ey, polis riba orden di fiscal na turno, a detene Henriquez pasobra e lo tabata riba caminda sin permiso (prensa lo no tabata permiti pa ta riba caya) y a boei e y hibe warda di polis na Macuarima. Eynan el a permanece 2 ora y despues por a bay cas. Pero esaki a pone cu el a keda registra tanto cerca Ministerio Publico como Polis. 

KEHO

E periodista en cuestion a entrega keho contra su detencion despues, unda cu a mustra riba e.o. ‘detencion illegal’, ‘uso illegal di medida pa detencion, incluyendo boei y transporte di polis, e forma illegal di marca un persona como un sospechoso, y e detencion illegal di un persona y e daño di imagen di e persona a consecuencia. 

INTERNACIONAL

Segun Henriquez, debi na e forma con Aruba a atende cu e caso, Hulanda a baha un posicion riba lista internacional di con ta trata cu periodistanan y nan libertad. Segun Henriquez, esun culpable di esaki ta gobierno cu ta esun cu a informa instancianan responsabel incorectamente di kico a sosode. 

  

 

 

 

  • Aruba a registra 11 caso positivo di Covid19 awe

    Aruba a registra 11 caso positivo di Covid19 awe

    ORANJESTAD - Segun resumen di awe  , a registra un total di 11 caso nobo di Covid-19, di cual 2 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 783 test. 'Positivity rate' entre nos residentenan ta 8 % y 37 persona a recupera. 

  • Encuesta nobo di Noticiacla pa midi e poder di voto pa eleccion na juni

    Encuesta nobo di Noticiacla pa midi e poder di voto pa eleccion na juni

    ORANJESTAD – Awor cu e listanan di partido politico ta conoci, noticiacla ta presenta su encuesta mas nobo awe. Nos ta interesa pa sa si na e altura aki, bo a dicidi caba si bo ta bay vota, si bo sa caba pa ken y asina tin algun pregunta mas. Manera semper, bo participacion ta keda anonimo y e resultadonan ta wordo usa netamente pa motibonan noticioso. Ademas no ta pretende cu e ta representative pa henter Aruba, pero si cu e ta un bista di con e usuarionan di noticiacla di Aruba ta pensa di e eleccion. E encuesta lo keda disponible te cu diadomingo atardi laat. Pa bo participacion, bo tin cu click AKI. 

  • Hefe di redaccion di Bon Dia Aruba ta invitado di Noticiacla LIVE awe nochi

    Hefe di redaccion di Bon Dia Aruba ta invitado di Noticiacla LIVE awe nochi

    ORANJESTAD – Faltando un dia pa entrega di lista di partidonan politico, e invitado den e programa Noticiacla LIVE pa awe nochi lo ta hefe di redaccion di e matutino Bon Dia Aruba Leo Maduro, cu ta responsabel tambe pa e editorialnan di e corant. Hunto cu e moderador, periodista Tito Laclé lo trata temanan electoral, for di e lista pa mayan, e scanner electronico y mucho mas. No perde e programa aki awe nochi 9’or riba e plataformanan di noticiacla, esta e facebook page, website y tambe e app. 

  • The Lab Boutique Digital Marketing Agency a drenta un colaboracion cu NY MDC Partners Inc.

    The Lab Boutique Digital Marketing Agency a drenta un colaboracion cu NY MDC Partners Inc.

    ORANJESTAD -  The Lab Boutique Digital Marketing Agency ta orgulloso di anuncia cu den april 2021, e agencia a drenta un colaboracion cu NY MDC Partners Inc. (“MDC”). MDC Partners ta un di e redman di mercadeo y comunicacion di mas influyente na mundo, basa na New York. E ta wordo celebra pa su socionan inovativo den propagandanan, relacionnan publico, branding, mercadeo digital, social y di evento, cual ta responsable pa algun di e campañanan mas memorabel y efectivo pa algun marcanan mas respeta na mundo. MDC recientemente a combina forsa cu The Stagwell Group, cual ta un grupo di comunicacion y mercadeo di servicio completo y principalmente-digital, y cu esaki combinando e talentonan excepcional di MDC y e plataforma di tecnologia avansa di Stagwell. 

  • Rontonde na Alhambra a bira Rotonde Alex Nieumeyer

    Rontonde na Alhambra a bira Rotonde Alex Nieumeyer

    ORANJESTAD – E siman aki, durante un ceremonia special, e rotonde entre Horacio Oduber Hospital y Alhambra Casino a wordo inaugura y dedica oficialmente na e conocido hotelero Alex Nieuwmeyer (den feliz memoria). Sr Nieuwmeyer tabata instrumental den turismo di Aruba y a guia e compania Divi Hotels pa hopi aña. Presente pa e occasion special aki tawata su señora Barbara Nieuwmeyer, yiunan Jessica, Zoe, su nieto,  miembronan di famia como tambe su famia di Divi Resorts y amistadnan. Tambe tawata presente, Minister di Turismo, Salubridad Publico y Deporte demisionario Dangui Oduber, CEO di A.T.A. Ronella Croes, y staff y team di Divi Resorts. Tabata siman pasa cu e noticia lamentable a drenta cu sr Nieuwmeyer a perde e bataya contra cancer. 

  • Aruba a registra 15 caso positivo nobo awe di Covid19

    Aruba a registra 15 caso positivo nobo awe di Covid19

    ORANJESTAD - Segun resumen di awe, a registra un total di 15 caso nobo di Covid-19, di cual 0 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 509 test. 'Positivity rate' entre nos residentenan ta 16 % y 23 persona a recupera.

  • Powered by SETAR