KPA: Polis mester a actua 28 biaha contra partidonan politico den weekend

KPA: Polis mester a actua 28 biaha contra partidonan politico den weekend

Posted on 05/3/2021 2:45 pm AST | Updated on 05/3/2021 2:46 pm AST

ORANJESTAD - Cuerpo Policial durante weekend a atende cu en total di 28 asistencia cu tawatin di haber cu campaña politico. E relato policial no ta haci mencion di cua partidonan esaki ta pero ta conoci cu e dos partidonan mas grandi MEP y AVP tabata hopi visible den fin di siman cu reparticion di sticker y tambe bandera. Y ta aki ta unda cu varios biaha polis mester a actua debi cu e partidonan no tabata cumpli cu e palabracion haci cu polis. 

COMISION

Manera ta conoci, for di algun siman caba Cuerpo Policial a asigna un comision pa atende tur problematica  entorno eleccion 2021. Na comienso a organisa un reunion pa asina sera conoci cu tur e personanan di contacto di tur partido politico y despues a reuni cu cada partido político individual caminda a papia cu nan over e Decreto Ministerial y ki strategia nan lo a bay usa pa cu nan campaña.  A cumbini cu tur partido cu Cuerpo Policial tur tin un solo meta en comun y esey ta pa preveni e contagio y plamamento di COVID-19 y cu esey den mente nan mester tene na cuenta cu Samenscholing, mantene distancia Social y e uso di tapaboca. Dus cu otro palabra 2 hende junto, distancia di 1,5 meter for di otro y preferibel no ta drenta cas y ta keda pafo scucha e personanan cu ta biba na e cas. 

POLITICONAN NO A TENE NA REGLA

Di e 28 asistencia cu Cuerpo Policial cu bay relaciona cu campaña politico por a constata cu varios partido politico no a tene nan mes na e palabracionnan hasi y a atende nan ariba esaki. Cuerpo Policial a pone enfasis cu nos tin un Decreto Ministerial cu nos mester atene nos mes na dje y durante nos encuentro semanal nos lo repasa y evalua junto cu tur partido politico. 

  • Alto Comisario Kock: Lo delibera atrobe con pa atende cu politiconan cu viola acuerdo durante campaña

    Alto Comisario Kock: Lo delibera atrobe con pa atende cu politiconan cu viola acuerdo durante campaña

    ORANJESTAD – Cuerpo policial lo delibera internamente con pa atende cu e comportacion di e politiconan pa e proximo simanan. Asina hefe maximo di polis Vanessa Tjon-Kock a bisa durante un conferencia di prensa diahuebs atardi. Segun e Alto Comisario, e motibo di esaki ta e resultado di e fin di siman unda cu mester a atende por lo menos 28 caso unda cu politiconan a viola e acuerdo cu tabatin cu cuerpo policial y crisis team rond di e situacion di crisis y e maneho di campaña electoral. 

  • Caso di intento di rescate lamentablemente a haya final tragico

    Caso di intento di rescate lamentablemente a haya final tragico

    EAGLE BEACH – Loke a inicia como un intento di rescate di un persona di un piso di hotel, lamentablemente a haya un fin tragico. Awe mainta Aruba a keda conmovi pa un noticia tragico ora cu un hoben trahado di un hotel na Aruba no a logra keda convenci pa autoridad pa rescate di e piso cu e tabata, y a tuma su propio bida. Normalmente no ta usual cu prensa ta cubri casonan asina, pero den e caso aki, esaki tabata inicialmente un caso di intento di rescate cu no a logra su meta. 

  • Auto a pega candela na Wayaca awe mainta

    Auto a pega candela na Wayaca awe mainta

    ORANJESTAD – Dialuna mainta laat, un auto Toyota starlet blauw a pega candela, cu a pone cu e chauffeur mester a para e auto dilanti di Wayaca Supermarket na Wayaca. E auto tabata den careda ora cu diripiente vlam a cuminsa sali for di e motor. Mesora e chauffeur a para e auto. Bomberonan a logra domina e candela hopi liher. Motibo exacto di e candela no ta conoci. 

  • Guarda nos Costa a detene dos ilegal cu a huy

    Guarda nos Costa a detene dos ilegal cu a huy

    ORANJESTAD - Tabata diasabra dia 18 di april cu un detenido a huy for di e facilidad di Guarda nos Costa. Ta trata di e Venezolano di inicial C.P.T. Pero, aworsu rol di fugitivo a caba, ora cu personal di Guarda nos Costa a logra gar’e den area di Sero Pita. No ta trata aki di djis un ilegal, sino mas bien un ex preso cu a caba di sinta un castigo pa a tira atraco arma riba nos isla. 

  • Polis a detene 2 persona mas pa asesinato

    Polis a detene 2 persona mas pa asesinato

    SAN NICOLAS - Enconexion cu e caso di asesinato cu a tuma lugar dia 15 di januari 2021 Recherche di San Nicolas (DAR3) a detene 2 hende homber mas respectivamente di inicialnan Y.L.F. na un cas den Prinsenstraat y J.J.W. na un cas den Caya Sint Lucia. 

  • Varios agente policial a ricibi nan promocion den Cuerpo Policial Aruba

    Varios agente policial a ricibi nan promocion den Cuerpo Policial Aruba

    MACUARIMA - Recientemente na John F. Kenney education center a tuma lugar un ceremonia chiquito pa promove agentenan policial pa nan siguiente rango y agentenan cu a cumpli 25 y 30 aña sirbiendo país Aruba. Cumpliendo cu tur reglanan di COVID-19, 12 agente policial y 1 personal administrativo a hayanan decreto gubernamental for di man di altocomisario di polis Sra. Vanessa Tjon-Kock y comisario Sra. Irma Gordon.

  • Powered by SETAR