Consternacion na St Maarten pa menasa di instruccion

PHILIPSBURG – Prome minister Marcel Gumbs i minister di Husticia Dennis Richardson cu consternacion a reacciona riba e desision di minister Ronald Plasterk di Relacionnan den Reino pa via un procedura di articulo 51 forsa lantamento di un Camara di Integridad segun modelo hulandes. Mientras cu Plasterk a bisa cu ainda e ta buscando acuerdo, Richardson diadomingo riba e conferencia di prensa a splica cu esaki ta imposibel: “mientras tanto cu e Medida General di Gobernacion di Reino ei ta riba mesa no tin espacio pa consenso.”

E gabinete resien forma a hasi masha pura cu e proyecto di e legislacion cu mester sostene instalacion di un Camara di Integridad. “Nos a bisa Asuntonan Huridico pa laga tur otro cos para i traha e trabou aki”, segun Gumbs. E concepto di e Landsverordening ta na Conseho di Asesoramentu pa comentario. Richardson tabata sostene e idea cu Conseho di Minister di Reino no por solicita articulo 51 di statuut mientras cu Sint Maarten ta trahando riba un Camara di Integridad. Minister Richardson ta acusa Plasterk di ta cambia e echonan, entre otro cu e remarke cu ta parlamento tin ultimo palabra tocante e Camara di Integridad. Den realidad despues cu acepta e Landsverordening, parlamento su trabou a caba.

Gumbs i Richardson ta refuta e ponencia ki e Camara di Integridad lo cai bou di influencia politico. Segun e concepto di e Landsverordening ta un Conseho di Supervision ta nombra e parlamentarionan. E conseho ta consisti di presidente di e corte comun di Husticia – Evert Jan van der Poel – e vicepresidente di e Conseho di Asesoramentu – Mavis Brooks-Salmon- i un di tres candidato cu lo nombra segun desision real riba nominacion di Conseho di Minister di Reino despues di deliberacion cu conseho di minister na Philipsburg.

Consehonan obligatorio

E Camara di Integridad lo duna consehonan obligatorio na conseho di minister i ta cu motivacion por escrito so por desvia di esakinan.

For di Ret Karibense. Autor y foto ta di  Hilbert Haar