GM di Phillip Morris Caribe, ta papia di e producto IQOS presente na Aruba tambe awor

GM di Phillip Morris Caribe, ta papia di e producto IQOS presente na Aruba tambe awor

Posted on 05/2/2021 4:49 pm AST | Updated on 05/2/2021 4:50 pm AST

(ADVERTORIAL)

ORANJESTAD - Conta nos tocante Philip Morris International y kico ta impulsa bo transformacion den direccion di un futuro liber di huma? 

(Juan Ignacio Suarez, GM PMI) Philip Morris International ta un compania lider internacional di tabaco. Na Aruba nos ta conoci como Superior Tobacco N.V. Nos kier reemplaza cigaria cu producto liber di huma mas rapido cu ta posibel. Desde 2008, aki na Philip Morris International, nos a inverti mas di USD 8,1 biyon den ciencia y investigacion di desaroyo di producto liber di huma. E ta e cambio mas grandi den nos historia. Y e ta esun corecto pa nos consumidornan, nos compania, nos accionistanan, y pa comunidad.  

IQOS awor ta disponibel na Aruba, kico exactamente ta IQOS?

(Juan Ignacio Suarez, GM PMI) QOS ta Philip Morris su producto liber di huma mas avanza te awor. IQOS ta un producto di tabaco keinta cu ta usa tecnologia sofistica pa keinta stick di tabaco specialmente diseña, conoci comercialmente como HEETS. IQOS ta elimina shinishi y ta reduci holor, ofreciendo lo mihor den sabor y satisfaccion den su categoria. IQOS ta produci un aerosol cu ta contene como average un nivel di 90 porciento mas abao di quimico dañino cu huma di cigaria. Basa riba evidencia cientifico te awor, cambia completamente pa IQOS probablemente ta presenta menos riesgo pa bo salud cu sigui huma; ta importante pa corda sin embargo cu IQOS no ta liber di riesgo. 

Bo por papia di e aceptacion di IQOS na henter mundo y con hopi pais tin IQOS disponibel? 

(Juan Ignacio Suarez, GM PMI) Den cinco aña solamente, nos tin mas di 17 miyon usuario, di cual 72 porciento  - of 12.7 miyon humador adulto – a cambia pa IQOS y a stop cu  humamento, y cu e resto den varios etapa di conversion. IQOS ta disponibel den 64 mercado. 

IQOS a keda aproba pa Food & Drug Administration (FDA)?

(Juan Ignacio Suarez, GM PMI) FDA a autoriza mercadeo di IQOS como un producto di tabaco di riesgo modifica (modified risk tobacco product (MRTP). IQOS ta e promer y unico producto electronico di nicotina pa haya orden di mercadeo pasa den e proceso di MRTPA di FDA. FDA a conclui cu e evidencia cientifico disponibel a demostra cu por anticipa cu IQOS lo beneficia salud di e poblacion den su totalidad, tumando na cuenta tanto usuario di producto di tabaco y persona cu no ta usa producto di tabaco actualmente. E entidad a determina cu pasobra IQOS ta keinta tabaco y no ta kim’e, e producto significativamente ta reduci produccion di quimico dañino y potencialmente dañino, compara cu huma di cigaria. 

Kico ta e diferencia entre IQOS y ‘E-cigarettes’? 

(Juan Ignacio Suarez, GM PMI) Esey ta un  hopi bon pregunta ya cu tin diferente producto dentro di e portafolio liber di huma.  IQOS ta keinta tabaco na lugar di kima esaki. Mientras cu e-cigarettes ta keinta un liquido cu por, o no por, contene nicotina y ta produci un aerosol. 

Unda humador adulto por haya IQOS na Aruba y cuanto e lo costa? 

(Juan Ignacio Suarez, GM PMI) IQOS y HEETs lo ta disponibel pa humador adulto na Lings & Sons. E aparato IQOS lo costa AWG135 y HEETS lo tin un prijs di detayista di AWG14 pa paki. 

Ki mensahe lo bo manda pa nos lectornan encuanto IQOS y bo compania su futuro liber di huma? 

(Juan Ignacio Suarez, GM PMI) E opcion mas sigur ta pa nunca cuminza huma y si bo ta huma, stop completamente cu tabaco y nicotina. Pero si bo ta un humador adulto cu tin intencion di sigui huma, mi ta encurasha bo pa cambia pa un mihor alternativa. IQOS no ta liber di riesgo y ta pa adulto so. Estudionan cientifico a demostra cu cambia completamente di cigaria pa IQOS ta reduci significativamente exposicion di bo curpa na quimico dañino o potencialmente dañino. 

Unda por haya mas informacion di IQOS y e ciencia su tras?  

(Juan Ignacion Suarez, GM PMI) Por haya esaki riba www.iqos.com & www.pmiscience.com

  • CBA: Confiansa di negoshi a mehora atrobe pa di tres trimester tras di otro

    CBA: Confiansa di negoshi a mehora atrobe pa di tres trimester tras di otro

    ORANJESTAD - Banco Central di Aruba (BCA) recientemente a conclui e encuesta di percepcion di negoshi pa e di promer trimester di 2021. E  encuesta di percepcion di negoshi ta evalua e percepcion economico y confiansa di e negoshinan local, como tambe e impacto continuo causa pa e pandemia di COVID-19 riba condicionnan economico y actividadnan di negoshi.

  • ATIA, AHATA Y AVVB a conseha gobierno riba introduccion di BTW

    ATIA, AHATA Y AVVB a conseha gobierno riba introduccion di BTW

    ORANJESTAD - Pa hopi aña gremionan di sector priva na Aruba a recomenda na gobierno pa reforma impuesto y introduci un sistema indirecto. IMF tambe tin varios aña ta recomenda impuesto indirecto y introduccion di Value Added Tax (VAT), manera un BTW (belasting toegevoerde waarde).  Aruba a bay di acuerdo cu reforma di impuesto pa sistema indirecto segun e condicionnan di prestamo di Hulanda conoci como “landspakket”. 

  • DEZHI: Dia di obrero tur tienda mester ta cera pa publico

    DEZHI: Dia di obrero tur tienda mester ta cera pa publico

    ORANJESTAD –Departamento di Asuntonan Economico, Comercio y Industria a informa recientemente cu riba dia di obrero proximo, 1 di mei tur tienda mester ta cera pa publico. Di otro banda ta informa tambe cu esaki no ta conta pa pompstations, botica, ni pa sector horeca y tiendanan cu ta situa den un hotel cu tin hotelvergunning. Lo eherce control riba cumplimento di e maneho di orario.

  • Kvk ta contento cu comercio por a keda habri Dia di Rey y awor riba Dia di Asuncion

    Kvk ta contento cu comercio por a keda habri Dia di Rey y awor riba Dia di Asuncion

    ORANJESTAD – Camara di Comercio (KvK) a vocifera su opinion varios biaha caba di e importancia pa comercio en general haya tur oportunidad posibel pa por opera normal, mas aun den e periodo di crisis economico actual. Pa acelera e recuperacion economico ta importante cu comercio por sigui brinda servicio na nos hendenan local y turistanan.

  • IMF ta sugeri Aruba pa acelera introduccion di BTW

    IMF ta sugeri Aruba pa acelera introduccion di BTW

    WASHINGTON – E introduccion di asina yama BTW (Belasting over Toegevoegde Waarde of na ingles Value Added Tax)cu Fondo Monetario Internacional (FMI) a sugeri, mester wordo acelera pa compensa e caida di entrada debi na e reduccion di impuesto rdirecto recient, mientras cu ta proteha e vulnerable, y esnan riba tereno eficiente. Asina e rapport nobo di FMI riba Aruba ta bisa entre otro. Ademas e instancia ta aplaudi Aruba su forma di maneha e pandemia lihe, conteniendo e sla financiero causa pa e pandemia na 2020. Pero hunto cu e elogio, ta bin un cantidad di sugerencia (ripiticion) di cosnan cu mester haci pa por aun contene e situacion miho. E rapport emiti diahuebs, ta un product di e ultimo bishita (virtual) di FMI cu a conclui 16 di April ultimo.

  • Aruba su miyonario mas nobo a bin cobra su premio mesora!

    Aruba su miyonario mas nobo a bin cobra su premio mesora!
  • Powered by SETAR