Sostene nos communidad awor cu Kiwanis “5 for KIDS” !

Sostene nos communidad awor cu Kiwanis “5 for KIDS” !

Posted on 04/30/2021 3:19 pm AST | Updated on 04/30/2021 3:19 pm AST

ORANJESTAD – E pandemia di COVID-19 ta sigi tin su impacto riba nos communidad y diabierna dia 30 di april 2021 Kiwanis Club of Palm Beach a lanza e campaña “5 for KIDS”, pa recauda fondo y sigui duna aporte na nos communidad, especialmente muchanan den necesidad.

Aña 2020 y 2021 a wordo grandemente afecta pa COVID-19. Mayoria organizacionan voluntario na Aruba, incluyendo Kiwanis Palm Beach, mester a reinventa nan mes pa asina por sigui funciona y cumpli cu nan metanan proponi.

Den e cuadro aki e  campaña actual, “5 for KIDS”, ta uno innovativo: simplemente manda un SMS, cu text 5ForKids,  for di bo telefon cellular pa e number 250 riba Digicel of SETAR pa haci un donacion di 5 florin! 

Tur esnan cu ta contribui lo participa automaticamente na un sorteo semanal cu premionan fabuloso! E premionan aki ta varia di cena pa dos persona te na estadia den hotelnan local y otro articulonan exclusivo. 

Tur fondo recauda lo wordo dedica na donacion of proyecto social den nos communicad cu enfoque riba muchanan den necesidad. Ehempel di proyectonan ehecuta dor di Kiwanis Club of Palm Beach ta inclui e proyecto di Watercoolers pa Skolnan, Child Seat camapigns, ademas di donacionnan na un variacion di fundacionnan manera Cede Aruba, Hungateca, YMCA, Casa Cuna y mas.

Kiwanis Club of Palm Beach Aruba ta haci un apelacion na tur esnan cu ta den capaciad pa yuda, pa contribui awor na “5 for KIDS” y participa den e sorteonan! Simplemente manda for di bo telefon cellular un SMS, cu text 5ForKids, pa e number 250. Esaki ta valido tanto pa clientenan di Digicel of SETAR. Ta posibel pa manda multiple SMS. 

Tin e posibilidad ademas di haci e donativo via Pay.aw. Riba e website www.kiwanispalmbeach.com y riba Kiwanis Club of Palm Beach su facebook page lo por ser mira e QR code necesario pa hacie  donativo aki. Y akinan tambe tin e opcion di haci esaki mas di un biaha.

E  campaña di “5 For Kids” lo core pa henter luna di mei. 

Kiwanis Club of Palm Beach kier tuma e oportunidad aki pa extende palabranan di gradicimento na e sponsornan di Kiwanis “5 for KIDS”, especialmente e companianan di telecommunicacion Digicel y SETAR, y tambe na e empresenan cu a contribui cu un premio pa e sorteonan, inclui Ritz-Carlton, Marriot, Holiday Inn, Barcelo, Hyatt cu Marina Pirata. Danki na e sponsornan aki a logra di realisa e iniciativa aki cu ta dedica na proyecto charitativo cu enfoque riba muchanan den necesidad. 

Ademas di antemano Kiwanis Club of Palm Beach ta gradici tur contribudor y participante na e  campagña “5 for KIDS”. Masha danki pa bo aporte! Mientras cu e premionan ta ofrece e ganadornan un experiencia agradabel, na e mesun momento lo bo ta aportando na nos communidad durante un temporado cu necesidad ta halto.

  • Aruba a registra 11 caso positivo di Covid19 awe

    Aruba a registra 11 caso positivo di Covid19 awe

    ORANJESTAD - Segun resumen di awe  , a registra un total di 11 caso nobo di Covid-19, di cual 2 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 783 test. 'Positivity rate' entre nos residentenan ta 8 % y 37 persona a recupera. 

  • Encuesta nobo di Noticiacla pa midi e poder di voto pa eleccion na juni

    Encuesta nobo di Noticiacla pa midi e poder di voto pa eleccion na juni

    ORANJESTAD – Awor cu e listanan di partido politico ta conoci, noticiacla ta presenta su encuesta mas nobo awe. Nos ta interesa pa sa si na e altura aki, bo a dicidi caba si bo ta bay vota, si bo sa caba pa ken y asina tin algun pregunta mas. Manera semper, bo participacion ta keda anonimo y e resultadonan ta wordo usa netamente pa motibonan noticioso. Ademas no ta pretende cu e ta representative pa henter Aruba, pero si cu e ta un bista di con e usuarionan di noticiacla di Aruba ta pensa di e eleccion. E encuesta lo keda disponible te cu diadomingo atardi laat. Pa bo participacion, bo tin cu click AKI. 

  • Hefe di redaccion di Bon Dia Aruba ta invitado di Noticiacla LIVE awe nochi

    Hefe di redaccion di Bon Dia Aruba ta invitado di Noticiacla LIVE awe nochi

    ORANJESTAD – Faltando un dia pa entrega di lista di partidonan politico, e invitado den e programa Noticiacla LIVE pa awe nochi lo ta hefe di redaccion di e matutino Bon Dia Aruba Leo Maduro, cu ta responsabel tambe pa e editorialnan di e corant. Hunto cu e moderador, periodista Tito Laclé lo trata temanan electoral, for di e lista pa mayan, e scanner electronico y mucho mas. No perde e programa aki awe nochi 9’or riba e plataformanan di noticiacla, esta e facebook page, website y tambe e app. 

  • The Lab Boutique Digital Marketing Agency a drenta un colaboracion cu NY MDC Partners Inc.

    The Lab Boutique Digital Marketing Agency a drenta un colaboracion cu NY MDC Partners Inc.

    ORANJESTAD -  The Lab Boutique Digital Marketing Agency ta orgulloso di anuncia cu den april 2021, e agencia a drenta un colaboracion cu NY MDC Partners Inc. (“MDC”). MDC Partners ta un di e redman di mercadeo y comunicacion di mas influyente na mundo, basa na New York. E ta wordo celebra pa su socionan inovativo den propagandanan, relacionnan publico, branding, mercadeo digital, social y di evento, cual ta responsable pa algun di e campañanan mas memorabel y efectivo pa algun marcanan mas respeta na mundo. MDC recientemente a combina forsa cu The Stagwell Group, cual ta un grupo di comunicacion y mercadeo di servicio completo y principalmente-digital, y cu esaki combinando e talentonan excepcional di MDC y e plataforma di tecnologia avansa di Stagwell. 

  • Rontonde na Alhambra a bira Rotonde Alex Nieumeyer

    Rontonde na Alhambra a bira Rotonde Alex Nieumeyer

    ORANJESTAD – E siman aki, durante un ceremonia special, e rotonde entre Horacio Oduber Hospital y Alhambra Casino a wordo inaugura y dedica oficialmente na e conocido hotelero Alex Nieuwmeyer (den feliz memoria). Sr Nieuwmeyer tabata instrumental den turismo di Aruba y a guia e compania Divi Hotels pa hopi aña. Presente pa e occasion special aki tawata su señora Barbara Nieuwmeyer, yiunan Jessica, Zoe, su nieto,  miembronan di famia como tambe su famia di Divi Resorts y amistadnan. Tambe tawata presente, Minister di Turismo, Salubridad Publico y Deporte demisionario Dangui Oduber, CEO di A.T.A. Ronella Croes, y staff y team di Divi Resorts. Tabata siman pasa cu e noticia lamentable a drenta cu sr Nieuwmeyer a perde e bataya contra cancer. 

  • Aruba a registra 15 caso positivo nobo awe di Covid19

    Aruba a registra 15 caso positivo nobo awe di Covid19

    ORANJESTAD - Segun resumen di awe, a registra un total di 15 caso nobo di Covid-19, di cual 0 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 509 test. 'Positivity rate' entre nos residentenan ta 16 % y 23 persona a recupera.

  • Powered by SETAR