Mas bapor crucero na caminda pa Aruba, usando Caribe como base

BRIDGETOWN – Mescos cu ta e caso cu Celebrity Cruises cu ta usando St Maarten como base pa saca su cruceronan, Royal Caribbean a informa cu un di dos base ta wordo manteni den Caribe tambe cu ta e haf di Bridgetown di e isla Barbados. Loke esaki ta haci, ta cu contrario na e regla cu ainda no por tin cruceronan saliendo for di Merca, no tin problema pa saca crucero for di paisnan no Mericano. Y esaki ta beneficia Aruba tambe. Na luna di juni proximo e prome crucero ta yega Aruba cu pasahero crucero, despues cu e pandemia di Coronavirus a paralisa e negoshi aki. Esey tabata posibel pasobra e bapor ta usa St Maarten como base y no un  haf Mericano. Awor cu e di dos base ta na Barbados, esaki ta brinda un otro posibilidad pa Aruba beneficia. Den e caso aki, Aruba ta riba e itinerario cu e bapor crucero Rhapsody of the Seas cu lo tin Aruba, Bonaire y Corsou.