Comunidad conmovi cu noticia di baby cu a stik y muri den auto

Comunidad conmovi cu noticia di baby cu a stik y muri den auto

Posted on 04/30/2021 10:50 am AST | Updated on 04/30/2021 11:35 am AST

ORANJESTAD – E noticia di e morto di e baby di apenas 7 luna diahuebs, manera por a spera, a hala hopi atencion den comunidad. Manera ta conoci, diahuebs atardi a bira conoci cu un tata lo a lubida su yiu den auto den parkinglot na su trabou ( hospital) cu consecuencia cu e baby lo a sofoca y stik y fayece. Ta bisa cu ‘lo a lubida’ y ‘lo a stik’ pasobra tin cu scucha e tata ainda pa sa kico a pasa y e motibo cu e por a lubida riba e baby y e autopsia tin cu determina oficialmente kico a causa e morto. Pero por sali di e punto di bista cu enberdad esaki a sosode

REACCION 

E comentarionan tabata multiple unda cu mayoria ta lamenta e tragedia profundamente y tabata manda palabra di condolencia, mientras cu otronan ta condena e acto, y no tabatin palabra bon pa e tata. Tambe a surgi discussion entre esnan cu tabata comenta, unda cu ta bisa cu e tata no por wordo culpa pasobra ta cosnan cu por pasa, y otronan ta condena e acto bisando cu no ta possible cu un tata por lubida su yiu. Hecho ta cu e noticia a causa hopi dolor den comunidad. 

E SITUACION

Pa loke ta e baby mes, manera ta conoci, vocero di Ministerio Publico Ann Angela a confirma diabierna cu a confisca e curpa pendiente autopsia. Y pa loke ta e tata di e criatura, ‘no tabatin detencion te awor’, Angela a sigui bisa. “ Mas despues e tata lo wordo scucha. Kortom investigacion ta andando pa saca for kico a hiba na e morto tragico aki” Angela a finalisa bisando. No por a bisa con lihe e tata lo wordo scucha, pero no ta cuestion cu esaki lo sosode awor mesora. NOTA: E potret ta uno generico y no ta di e baby en cuestion. Noticiacla ta manda palabra di condolencia na e famianan di e fayecido.

  • Aruba a registra 11 caso positivo di Covid19 awe

    Aruba a registra 11 caso positivo di Covid19 awe

    ORANJESTAD - Segun resumen di awe  , a registra un total di 11 caso nobo di Covid-19, di cual 2 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 783 test. 'Positivity rate' entre nos residentenan ta 8 % y 37 persona a recupera. 

  • Encuesta nobo di Noticiacla pa midi e poder di voto pa eleccion na juni

    Encuesta nobo di Noticiacla pa midi e poder di voto pa eleccion na juni

    ORANJESTAD – Awor cu e listanan di partido politico ta conoci, noticiacla ta presenta su encuesta mas nobo awe. Nos ta interesa pa sa si na e altura aki, bo a dicidi caba si bo ta bay vota, si bo sa caba pa ken y asina tin algun pregunta mas. Manera semper, bo participacion ta keda anonimo y e resultadonan ta wordo usa netamente pa motibonan noticioso. Ademas no ta pretende cu e ta representative pa henter Aruba, pero si cu e ta un bista di con e usuarionan di noticiacla di Aruba ta pensa di e eleccion. E encuesta lo keda disponible te cu diadomingo atardi laat. Pa bo participacion, bo tin cu click AKI. 

  • Hefe di redaccion di Bon Dia Aruba ta invitado di Noticiacla LIVE awe nochi

    Hefe di redaccion di Bon Dia Aruba ta invitado di Noticiacla LIVE awe nochi

    ORANJESTAD – Faltando un dia pa entrega di lista di partidonan politico, e invitado den e programa Noticiacla LIVE pa awe nochi lo ta hefe di redaccion di e matutino Bon Dia Aruba Leo Maduro, cu ta responsabel tambe pa e editorialnan di e corant. Hunto cu e moderador, periodista Tito Laclé lo trata temanan electoral, for di e lista pa mayan, e scanner electronico y mucho mas. No perde e programa aki awe nochi 9’or riba e plataformanan di noticiacla, esta e facebook page, website y tambe e app. 

  • The Lab Boutique Digital Marketing Agency a drenta un colaboracion cu NY MDC Partners Inc.

    The Lab Boutique Digital Marketing Agency a drenta un colaboracion cu NY MDC Partners Inc.

    ORANJESTAD -  The Lab Boutique Digital Marketing Agency ta orgulloso di anuncia cu den april 2021, e agencia a drenta un colaboracion cu NY MDC Partners Inc. (“MDC”). MDC Partners ta un di e redman di mercadeo y comunicacion di mas influyente na mundo, basa na New York. E ta wordo celebra pa su socionan inovativo den propagandanan, relacionnan publico, branding, mercadeo digital, social y di evento, cual ta responsable pa algun di e campañanan mas memorabel y efectivo pa algun marcanan mas respeta na mundo. MDC recientemente a combina forsa cu The Stagwell Group, cual ta un grupo di comunicacion y mercadeo di servicio completo y principalmente-digital, y cu esaki combinando e talentonan excepcional di MDC y e plataforma di tecnologia avansa di Stagwell. 

  • Rontonde na Alhambra a bira Rotonde Alex Nieumeyer

    Rontonde na Alhambra a bira Rotonde Alex Nieumeyer

    ORANJESTAD – E siman aki, durante un ceremonia special, e rotonde entre Horacio Oduber Hospital y Alhambra Casino a wordo inaugura y dedica oficialmente na e conocido hotelero Alex Nieuwmeyer (den feliz memoria). Sr Nieuwmeyer tabata instrumental den turismo di Aruba y a guia e compania Divi Hotels pa hopi aña. Presente pa e occasion special aki tawata su señora Barbara Nieuwmeyer, yiunan Jessica, Zoe, su nieto,  miembronan di famia como tambe su famia di Divi Resorts y amistadnan. Tambe tawata presente, Minister di Turismo, Salubridad Publico y Deporte demisionario Dangui Oduber, CEO di A.T.A. Ronella Croes, y staff y team di Divi Resorts. Tabata siman pasa cu e noticia lamentable a drenta cu sr Nieuwmeyer a perde e bataya contra cancer. 

  • Aruba a registra 15 caso positivo nobo awe di Covid19

    Aruba a registra 15 caso positivo nobo awe di Covid19

    ORANJESTAD - Segun resumen di awe, a registra un total di 15 caso nobo di Covid-19, di cual 0 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 509 test. 'Positivity rate' entre nos residentenan ta 16 % y 23 persona a recupera.

  • Powered by SETAR