Corte: Aruba obliga na trata europeo y mericano mescos cu hulandesnan

ORANJESTAD –Aruba tin cu duna mesun trato na ciudadanonan europeo y mericano cu e ta duna e hulandesnan, riba e asunto di nan permiso. Mas specifico, ora cu nan cumpli cu nan estadia legal di 5 aña cu permiso. Unabes cu nan cumpli cu esaki, nan tin derecho di uza e loke ta conoci como ‘van rechtswege toelating’ pa permanece na Aruba. E ta bira un status di cual e no mester di permiso mas pa biba of traha na Aruba mas Antes esaki tabata aplica solamente pues ta solamente pa hulandesnan conoci como ‘rijksgenoten’cu a cumpli cu e rekisitonan menciona. Esey ta cambia awor, debi na un sentencia ( lesa e sentencia aki ) cu a keda dicta na St Maarten recientemente. Minister di estranheria, Benny Sevinger a confirma e primicia di NoticiaCla.com awe mainta, y lo comunica esaki oficialmente den e proximo dianan.

Segun investigacion cu NoticiaCla.com a haci, e situacion pa mericano y europeonan awor lo bira cu nan por bin DiMAS y pidi un declaracion, unda cu a 'bisa esey'. Lo haci un moment opname pa mira si e persona ta cualifica y lo duna nan un declaracion (no un permiso), cu ta bisa cu nan ta 'van rechtswege toegelaten' na Aruba.