RIVM: Variante Britanico ta sigui domina na Aruba cu 80%

DEN HAAG – E variante Britanico di e virus Covid19 ta sigui domina na Aruba segun e rapport di e siman aki di Rijks Instituut voor Volksgezondheid en Milleu (RIVM) e siman aki. E instancia aki ta mustra cu te cu siman pasa, 80% di e casonan di contagio tabata consecuencia di e variante ey. Den henter Caribe Hulandes, segun RIVM, ta practicamente e variante so ta presente. Cada isla tin un cantidad diferente, unda cu Bonaire tin 100% di su casonan ta e variante ey, sigui pa Corsou cu ta na 96.8%. Aruba tin e cantidad mas abou cu 80%. 

OTRO VARIANTENAN

Segun RIVM, banda di e variante Britanico, tin 1 di Brazil, 4 di Sur Africa, 29 di California y 26 di New York. Esnan mas preocupante na Aruba esun Britanico y esun di Sur Africa.