Partidonan politico ta ambicioso pa asiento politico pa eleccion

ORANJESTAD – Partidonan politico ta ambiciona aumento den nan cantid di asiento pa e proximo eleccion. Varios partido politico ta participando den programanan politico sea di nan mes of di medionan (incluyendo Democracia Cla di noticia Cla). Aki por saca afor p.e. cu partido AVP ta sugeri cu nan ta bay pa total di 12 asiento, esta 9 regular y 3 restzetel, segun nan representante Marlon Sneek. Partido MEP su presidente Tevreden, ta angela un mayoria absoluto, pues por lo menos 11 pa nan por goberna nan so, pero no a bisa cu exactitud cuanto asiento. 

PARTIDONAN CHIKITO

Partidonan chikito tambe tin nan ambicion. Algun ta hopi ambicioso, unda cu p.e. partido Accion21 ta bay pa 5 asiento pero ta premira cu nan lo haya 2+1, segun e lider politico Miguel Mansur. Partido Curpa su representante Robert Anji ta bisa cu nan ta keda realistico y ta contento cu 2, mirando cu for di 1986 ta esey partidonan chikito a haya. COntal  cu e dos partidonan grandi no bin na mando ta ok segun Anji. Partido POR su lider Alan Howell ta bisa e portal aki cu nan ta kere cu for di San Nicolas so caba, nan por saca 1 asiento pero ta contento si nan mantene nan 2 asientonan. Raiz su lider Ursell Arends ta sigur cu nan lo haya 4 asiento y cu sin e partido, no tin gobierno. Partido PPA su lider Lisette Malmberg ta aspira pa como PPA so, logra 4 asiento y cu un lista mas combina, yega te 7 asiento. Otro partidonan no a laga e portal aki sa ainda cuanto asiento nan ta aspira pe.