Pool attendant di hotel riba Palm Beach a rescata mucha den e pool

ORANJESTAD  –  Algun siman despues di un apertura di e hotel mas nobo riba e Palm Beach strip, esta Radisson Blu Aruba, e gerencia a reconoce Leyonardho Lopez cu e un “Life Saving Blu Award”.

Leyonardho Lopez ta traha como Pool Attendant na e hotel y ta eherce su trabou cu hopi passion segun e gerente. Durante estadia di un famia, a presenta un situacion cu un mucha den pool, unda cu Leyonardho a drenta den accion mesora pa asina rescata e mucha.

E reconocemento a wordo presenta pa Sr. Luigi Wix, General Manager y Srta. Jouraine Vrolijk, Directora di Human Resources. “Nos ta sumamente orguyoso di e reaccion di Leyonardho, cu tawatin solamente algun dia den su funcion pero cu a sa di actua rapidamente pa asina salba bida di un mucha”, Luigi Wix, Gerente General ta bisa.