Aki dos siman Odinsa ta cla cu financiamento pa Green Corridor

ORANJESTAD – Aki dos siman e compania colombiano Odinsa encarga cu construccion di Green Corridor, lo firma cu e banco aleman “Deutsche Bank’. “E ora e construccion fisicamente di e 4 via for di aeropuerto te na San Nicolas lo cuminsa” e mandatario a sigura NoticiaCla.com dialuna mainta. Nan ta considera esaki como e ‘final closing’ di e green corridor.

PROYECTO GRANDI

Gobierno ta considera esaki como e proyecto mas grandi cu Aruba lo bay wak, segun minister di Infrastructura Benny Sevinger. E ta un proyecto cu lo dura por lo menos 2 aña y cambia henter e desaroyo pa pariba di brug. “E no ta solamente un caretera. E ta un caretera cu coneccion pa tur e barionan. Tur e camindanan aki lo haya un ‘upgrading’, manera parke, mata y mas. E ta un proyecto di mas di 30 aña den planificacion cu porfin lo concretisa.