Gobernador George Wout a nombra formador pa forma e proximo gabinete di Corsou

WILLEMSTAD – Gobernador di Corsou sra  Lucille George-Wout a nombra Chester Peterson como formador di e proximo gabinete. Su tarea ta pa busca un gabinete cu tin sosten di e partidonan Movementu Futuro Korsou (MFK) ye Partido Nashonal di Pueblo (PNP). E acuerdo di gobernacion tin cu tene cuenta cu aspectonan cu ta ancra den e orden di e informacion, esta combatimento di pobresa, actualisa enseñansa, drecha infrastructura, mehora salud y combati criminalidad. E gabinete nobo mester por brinda e comunidad trankilidad y stabilidad. Ademas mester por duna atencion na e forma di cooperacion dentro di Reino Hulandes. Y finalmente, tene cuenta cu e 

Landsverordening integriteit (kandidaat-) ministers ora cu cumpli cu e formacion, esta cu e candidatonan mester ta ministeriabel. E formador tin te dia 19 di mei proximo pa entrega resultado di su trabou na Gobernador.