Sospechoso Ninosca N. den caso Avestruz a haya libertad temporal awe

ORANJESTAD – Despues cu dialuna ultimo el a keda deteni hunto cu su casa na nan cas, sospecha den caso Avestruz, e senora Ninosca N. a recobra su libertad temporal diaranson atrobe. Ministerio Publico su vocero Ann Angela a confirma esaki pa noticiacla.com. Mientrastanto tabatin informacion cu e actual director di Directie Infrastructuur en Planning Aruba (DIP) Jaime Croes a presenta na Landsrecherche diaranson. OM no por a duna informacion riba e bishita particular aki, pero no ta descarta cu esaki por ta relaciona cu e caso aki. Pa loke ta sra N., ta sospecha cu e tabata envolvi den iregularidadnan pa loke ta tereno di gobierno obteni den forma incorecto, entre 2009 y 2017. Su casa Gaby W. si ta keda deteni. Y tambe e persona Franklin A. a keda deteni awe mainta, y e señora Leoncita A. tambe ta deteni ainda. Otro sospechonan cu tabata deteni anteriormente, a logra recobra nan libertad temporal siman pasa.