Casonan positivo di Covid19 ta abou, pero positivity rate ta halto!

ORANJESTAD - Segun resumen di awe casonan positivo di Covid19 ta abou pero positivity rate ta hopi halto. E resumen ta raporta apenas 17 caso nobo di Covid-19, di cual 3 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 598 test. Preocupante ta e 'Postivity rate' entre nos residentenan cu ta 30%, subiendo mas ultimo dianan siendo cu e mester ta bou di 5%.  Y tin 42 persona a recupera.

CASO ACTIVO

Casonan activo pa awe ta 246, cantidad di fayecido relaciona cu Covid-19 ta 98.

HOSPITAL

Hospital ta informa cu tin un total di 26 persona interna di  cual 11 ta den Cuido Intensivo y 15 riba unidad general di covid.