Paul Croes: Bijstand di 2914 famia reduci cu 200 persona

ORANJESTAD – Den un aña di tempo, gobierno a logra reduci e cantidad di persona cu tin ‘bijstand’ cu 200 cu ta nifica 2 miyon menos na gasto. Esaki ta parti di e projecto "Ban Traha" cu minister di Labor Paul Croes introduci na januari 2014. Na e momento cu e mandatario a anuncia e inicio di e proyecto, aki tabatin 2914 persona/ famia cu tabata haya e apoyo financiero (social) di Gobierno. Croes ta kere hopi den encurasha personanan cu por traha pa yega na un empleo y un entrada fiho. Januari 2015 e cifra oficial ta 2711 persona cu ta cobrando e onderstand. Es decir 203 persona menos cu ta dependiente di e suma aki. Meta pa 2015 ta pa continua cu e trend positivo aki. E siman aki Minister Croes lo cuminsa discusionnan pa cambio di e ley di Bijstand.