Musiconan disgusta cu atrobe nan a keda ‘afo’ di suavisacion di medida

ORANJESTAD – Voznan den mundo di musica na Aruba diabierna a bolbe lanta contra e situacion cu nan ta aden den e pandemia. Esaki despues cu gobierno algun ora prome a anuncia suavisacion di medida, debi na e mehoracion di e situacion. Pero lamentablemente e musiconan no a cay den e grupo aki. A suavisa basta cos, y hasta un grupo cu tambe tabata perhudica, esta deporte, cu tambe ta beneficia di e suavisacionan menciona. 

MENSAHE

Por a nota diabierna atardi, varios musico cu a cuminsa post e mesun grafico cu un mensahe dirigi na e Crisis Team pa asina manda mensahe pakico nan no por traha ainda y cu nan kier un solucion. E mensahe tabata uno cu ta splica nan situacion preocupante, y mes momento ta mustra cu nan kier forma parti di e solucion y yuda, pero ta sinti cu no ta tene cuenta cu esey.