A prolonga detencion prolonga di sospechoso di Avestruz Leoncita A. y transport’e pa KIA

A prolonga detencion prolonga di sospechoso di Avestruz Leoncita A. y transport’e pa KIA

Posted on 04/23/2021 2:17 pm AST | Updated on 04/23/2021 2:20 pm AST

ORANJESTAD – Un siman y mei despues di a keda deteni na su cas, sra Leoncita A. su detencion a keda prolonga e siman aki un biaha mas. Vocero di Ministerio Publico Ann Angela a confirma cu, e prolongacion aki, a transporta sra A. tambe pa KIA pa e proximo 8 dianan of te ora cu e investigacion ta asina leu cu e por sea recobra su libertad temporal bek of presenta dilanti mesa berde si esaki ta necesario. A. ta wordo sospecha di  malversacion, falsificacion di firma y soborno rond di otorgamento di tereno den erfpacht entre 2009 y 2017. 

  • Ministerio Publico studiando rapport forensico di RDA pa wak si a comete hechonan castigabel

    Ministerio Publico studiando rapport forensico di RDA pa wak si a comete hechonan castigabel

    ORANJESTAD - Recientemente Ministerio Publico a haya un raport di Forensic Services Caribbean pa medio di e Conseho di Comisarionan di RDA (Refineria di Aruba NV).E raport a wordo traha riba peticion di e Conseho di Comisarionan relaciona cu preguntanan tocante e legitimidad di gastonan door of na nomber di e directiva di RDA y a wordo ofrece tambe na Parlamento di Aruba na fin di april. OM lo studia e raport y lo dicidi si ta trata di hechonan castigable y ken lo por wordo marca como sospechoso. Expectativa ta cu lo tuma tempo prome cu bin claridad riba esaki.

  • Avestruz: Detencion Leoncita A. prolonga cu 60 dia y di Franklin A. cu 2 biaha 8 dia

    Avestruz: Detencion Leoncita A. prolonga cu 60 dia y di Franklin A. cu 2 biaha 8 dia

    ORANJESTAD - Huez-comisario a duna ordo awe pa detencion (gevangenhouding) di e sospechoso Leoncita A. cu 60 dia y pa detencion (bewaring) di e sospechoso Franklin A. pa dos biaha 8 dia. Tur den cuadro di e caso penal Avestruz.  E siman aki Landsrecherche a detene tambe e homber Peter S. y awe huez comisario a duna ordo pa su detencion (inverzekeringstelling) cu ta valido pa 8 dia.

  • Awe mainta a detene comerciante Susebeek den caso Avestruz

    Awe mainta a detene comerciante Susebeek den caso Avestruz

    ORANJESTAD – Awe mainta tabatin otro detencion den caso penal Avestruz, unda cu e comerciante P. Susebeek a keda deteni y hiba Landsrecherche pa interogacion. Oficialmente, vocero di Ministerio Publico Ann Angela a confirma e informacion aki tambe pa Noticiacla. Den luna di januari a tene un entrada hudicial na cas di e persona aki y tambe su negoshi(an). Manera ta conoci, Ministerio Publico a informa siman pasa cu lo tin mas detencion cu ta bay cay, y esaki a cuminsa bek awe diaranson. Mientrastanto tin dos persona deteni ainda cu ta L. Arends y F. Abath. E caso ta trata possible otorgamento y ricibimento di tereno di gobierno den forma illegal entre 2009 y 2017. 

  • OM: Den e periodo venidero lo tin algun detencion mas den caso Avestruz

    OM: Den e periodo venidero lo tin algun detencion mas den caso Avestruz

    ORANJESTAD – Diabierna atardi, Ministerio Publico a confirma textualmente cu ‘den e periodo venidero lo tin algun detencion mas’ y ta referi na e caso penal Avestruz. Cu esaki nan ta duna siguransa cu no ta cuestion di ‘no ta descarta’ cu ta e palabra cu ta usa usualmente, indicando cu tin e posiblidad pero no ta sigur. Den e comunicado di awe diabierna, ta bisa specificamente cu lo tin mas hende cu den e proximo dianan lo tin mas detencion cu lo cay. E lista di personanan cu por bin na remarke ta varia entre 4 pa 7 persona, di loke e portal aki por a compronde. Entre nan tin algun comerciante mas y e propio ex minister actual Parlamentario  Benny Sevinger cu ta e sospechoso principal. E mes a indica caba publicamente den un conferencia di prensa cu e ta mira cu e lo wordo deteni y geboei te hasta den e proximo dianan. Y cu e no ta bay huy pa esey. Recientemente el a biaha den exterior pa motibonan priva, unda cu varios rumor a surgi cu e lo a huy. Un investigacion liher di e portal aki a mustra cu esaki no ta e caso y cu e la biaha pa algo personal y cu e lo tabata bek prome cu fin di siman termina. Mientrastanto sr Sevinger ta bek na Aruba. 

  • A prolonga detencion di Franklin A. den caso Avestruz cu 8 dia

    A prolonga detencion di Franklin A. den caso Avestruz cu 8 dia

    ORANJESTAD – Detencion di ex director di sr Franklin A, ex director di Directie Infrastructuur en Planning Aruba (DIP), sospechoso den e caso penal Avestruz, a keda prolonga cu 8 dia mas. Asina vocero di Ministerio Publico Ann Angela a confirma diabierna pa noticiacla.com. Esey ta nifica cu aworaki tin dos persona deteni ainda cu ta e sra Leoncita A, y awor sr Franklin A. Na tur Landsrecherche a detene 6 persona di cual 4 a recobra nan libertad temporal den e ultimo dianan aki. Segun Ministerio Publico, lo tin mas detencion den e dianan nos dilanti. Tur e detencionan recien ta den cuadro di e investigacion di delitonan di corupcion posiblemente cometi y otro hechonan castigable relaciona cu otorgamento di terenonan di gobierno entre 2009 y 2017.   

  • Sospechoso Gaby W. tambe a a haya libertad condicional awe

    Sospechoso Gaby W. tambe a a haya libertad condicional awe

    ORANJESTAD – Un dia despues cu su casa a keda den libertad condicional, awe Gaby W. tambe por a bay cas. E tambe ta sospechoso ainda si den e caso Avestruz, pa cual el a keda 10 dia cera. Aworaki tin dos persona deteni ainda esta Leoncita A, y Franklin A. Ambos ta sospechoso den e caso aki y tin cu duna cuenta na nan debido tempo dilanti mesa berde, si e caso yega asina leu.

  • Powered by SETAR