Groundbreaking pa veld di yerba artificial di Britannia

ORANJESTAD - Pa augustus, mas tarda september e veld di futbol di Centro di Barrio Piedra Plat y SV Britannia, lo tin su yerba artificial. Durante e ceremonia di 'groundbreaking', tur esnan envolvi den e proyecto a mustra e importancia pa e proyecto aki bira un exito, y e beneficio cu esaki lo tin pa tur esnan cu ta usa e veld aki. Si awe 150 mucha ta usa e veld aki, ora cu e veld tin yerba, e cantidad sigur lo double pa 300 y mas. Un di e motoran tras di e proyecto sigur tabata sr Eddie Berg, cu ta secretario di SV Britannia. Segun Berg, "Pa basta aña caba Centro di Bario Piedra Plat y SV Britannia tin un meta grandi pa por haci e veld di voetbal un veld di yerba artificial. Despues di a traha duro y spaar pa un tempo largo, porfin e deseo aki ta cla pa bira realidad y nos ta cla pa cuminsa cu e e proyecto." Na final a mira un presentacion 3d di ora cu e proyecto ta cla.