WASHINGTON – E introduccion di asina yama BTW (Belasting over Toegevoegde Waarde of na ingles Value Added Tax)cu Fondo Monetario Internacional (FMI) a sugeri, mester wordo acelera pa compensa e caida di entrada debi na e reduccion di impuesto rdirecto recient, mientras cu ta proteha e vulnerable, y esnan riba tereno eficiente. Asina e rapport nobo di FMI riba Aruba ta bisa entre otro. Ademas e instancia ta aplaudi Aruba su forma di maneha e pandemia lihe, conteniendo e sla financiero causa pa e pandemia na 2020. Pero hunto cu e elogio, ta bin un cantidad di sugerencia (ripiticion) di cosnan cu mester haci pa por aun contene e situacion miho. E rapport emiti diahuebs, ta un product di e ultimo bishita (virtual) di FMI cu a conclui 16 di April ultimo.
PAKETE DI RECUPERACION
FMI ta repasa e paketenan di ayudo fiscal cu a prove sosten di entrada y likides pa yuda e negoshinan afecta y casnan y yuda contene asina e possible casonan di bancarota y desempleo. “ No obstante esaki, gastonan grandi y perdida grandi di entrada a converti e presupuesto fiscal di un surplus chikito na 2019 den un deficit di 17% di e PIB (Producto Interno Bruto) na 2020. Como consecuencia esaki a aumenta e debe publico di 72 te 117% di e PIB .
RECUPERACION
FMI ta proyecta un recuperacion modera pa 2021, mei mei di risiconan halto. Crecemento real di PIB den 2021 ta premira di ta 5%, sostene pa e capacidad faborable di vacunacion contra e pademia, compara cu islanan den region. E pandemia lo tin un efecto largo riba e economia. Y ta premira cu Aruba lo yega e nivel pre Covid19 di un PIB real, te na 2025. E deficit fiscal lo keda eleva den 2021 y e debe publico lo alcansa su punto maximo na 130% di e PIB na 2021 y baha gradualmente despues. Lesa e rapport completo AKI.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.