MACUARIMA - Recientemente na John F. Kenney education center a tuma lugar un ceremonia chiquito pa promove agentenan policial pa nan siguiente rango y agentenan cu a cumpli 25 y 30 aña sirbiendo país Aruba. Cumpliendo cu tur reglanan di COVID-19, 12 agente policial y 1 personal administrativo a hayanan decreto gubernamental for di man di altocomisario di polis Sra. Vanessa Tjon-Kock y comisario Sra. Irma Gordon.
E siguiente agente policial cu a wordo promovi segun rango:
Di brigadier pa brigadier eerste klasse:
S.A. Curiel y A.A.G. Vrolijk
Di brigadier eerste klasse pa Hoofdagent:
L.A. Gumbs, I.D.P. Phelipa, L.J. Cruz Rosario y V.R. Halley
Di hoofdagent eerste klasse pa Onderinspecteur:
R.M. Heyliger y E. Baarh
Di onderinspecteur pa Onderinspecteur eerste klasse:
E.H. Barry,y E.H.C. Blom
25 aña sirbiendo pais Aruba:
Agente policial R.M. Voz y Sra. C. Jones-Gumbs personal administrativo
30 aña sirbiendo país Aruba:
E.L.M. Simileer
Un pabien na esnan cu a cumpli 25 y 30 aña den servicio. Un etapa largo den nan carera policial nifica e amor y pasion cu nan tin pa sigui sirbi nos país! Masha pabien!
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
ORANJESTAD - Diabierna anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo. Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca.
ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F. di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion. Tambe a haci entrada hudicial na Panamastraat. Eynan Team Narcotica a confisca cocaina y marihuana. Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.
ORANJESTAD - Diabierna mainta pa 06:55 central di polis a manda patruya pa e conocido di nan faam L. na su cas situa na Brazil cu lo a pone objetonan riba caminda pa stroba e trafico. Ta asina cu na yegada di patruya ta papia cune e homber L. pero e no ta rasonay na dado momento polis a bay pa detene e homber.