Ex polis Mericano Derek Chauvin haya culpable di asesinato di George Floyd

MINNESOTA – E ex agente policial Mericano Derek Chauvin a wordo haya culpable di tur tres cargo di asesinato di e homber George Floyd. Tabata na mei di aña pasa cu durante un aresto di Floyd pa Chauvin, e ultimo a sinta riba su nek pa 8 minuut cu a causa un situacion cu a conduci finalmente na morto di Floyd. Un grupo di hurado a manda e sentencia di asesinato, y tambe homicidio den di segundo grado. Mesora a pidi pa revoca e fiansa cu tabata mantene Chauvin liber temporalmente for di October di aña pasa, y a sake di corte geboei. E lo keda encarcela te ora cu huez dicidi e sentencia final otro luna. E caso aki a hala atencion mundial mirando cu ta trata di un homber blanco cu a mata un homber di color. Y den pasado ora cu e sentencia tabata na fabor di e persona di color blanco, e tabata creando chaos y protesta. Den e caso aki, e sentencia a faborece e persona fayeci cu a pone cu esaki lo no mester crea problema.