Organisacion Women Empowering Women (WOW) a lansa e campaña 'Us for Her'

ORANJESTAD - Recientemente, organisacion Women empOwering Women a inicia un campaña riba plataformanan social enfocando riba consienticasion contra practica nan di desigualdad pa cu e hende muher na trabou. E idea a wordo inspira door di e movemento internacional hopi conoci yama campaña #heforshe. 

E movemento #heforshe a wordo crea door di UN Women cual ta e entidad di United Nations cu ta boga pa igualdad y empoderamento di hende muher. E ta un esfuerso global unda cu ta compromete e ser masculino di tur edad pa elemina tur barera social y cultural cu ta impedi e ser femenino di alcansa su potencial pues hunto contribui na un formacion positivo pa cu sociedad. E ta un invitacion pa personan di tur sexo pa “pledge” y compromete nan mes pa asina ta solidario pa crea e union pa cu igualdad. 

E obhetivo di WOW ta hopi similar #heforshe na unda cu personan di tur sexo identifica como parti di e campaña  como e“us” lo wordo pidi pa haci un promesa contra practicanan di desigualdad. E campaña a wordo desaroya den un manera hopi creativo na unda cu e contenido ta enfoca riba ehempelnan clave cu lo wordo tresi dilanti cual cu ta scenarionan real. Nos tur sigur lo por reconoce e ehempelnan paso desafortunadamente nan no ta  pasando solamente riba un nivel global pero tambe aki na Aruba. 

E comishon “Empowerment a sinti e necesidad di trece e topico dilanti den un manera unico y usando nos plataformanan social pa asina por yega na un publico mas amplio cu ta compromete nan mes na e bon causa aki. Nos kier invita tur hende pero especialmente e milenials y young professional pa participa y asina demostra cu nos tur ta contra di tratonan di desigualidad y cu union lo hasi forsa y pa asina demostra cu Aruba tambe ta uni su mes na e movemento aki. E movemento sigur ta alinea cu un di e obhetivonan di WOW cual ta pa apoya e hende muher. Pa participa WOW ta invita bo bishita nos Facebook y Instagram page y contribui na e campana di WOW “US FOR HER” door di comparti e imagen nan cu WOW lo tin riba su medio social pa asina nos por crae mas union y iqalidad na trabou na Aruba. 

Social link: 

https://www.instagram.com/wow_aruba/

https://www.facebook.com/wowaruba