Defraudor financiero internacional Bernie Madoff a fayece den prison

NEW YORK — Bernie Madoff, e ex financiador Mericano cu a defrauda miyones, a fayece den e prizon Federal Medical Center na Butner, North Carolina na Merca. Algun aña pasa el a admiti di a orchestra e  ‘schema di Ponzi ‘mas grandi na mundo. Su morto aparentemente ta di causa natural. Aña pasa su abogadonan a purba logra saca nan cliente di prison debi na un malesa renal y otro condicion cronico merico. A nenga e peticion aki. Na 2008 el a wordo acusa y a keda sentencia pa a defrauda inversionistanan di mas di 50 biyon dollar.operando e schema di Ponzi mas grandi durante 2 decada. Un scema di Ponzi ta un fraude di inversion unda cu ta paga inversionistanan placa ricibi di otro inversionistanan. Esnan cu ta opera esaki, ta bisa cu nan ta priminti inversionistanan pa inverti nan placa y genera ganashi grandi cu poco te ningun risico. Pero e problema ta cu nunca e persona ta inverti e placa.