McDonald’s Aruba a presenta desayuno nobo: McCrioyo

ORANJESTAD - McDonald's Aruba a anuncia officialmente diabierna ultimo su McCrioyo Breakfast hunto cu Sr. Fabian Lantinga Operation Supervisor di Arcos Dorados Aruba, Sr. Rolando Galarraga, Country Purchasing Supervisor pa Arcos Dorados DWI y representantenan di nos panaderia local Bright Bakery Sra. Sulienne Barenjo y Sr. Gino Pourier na McDonald’s Palm Beach.

E pan local di Bright Bakery a subi e menu di desayuno di McDonald’s. Disfruta di un desayuno McCrioyo cu webo, keshi, lechuga, tomati, ketchup, mayonaise y bo escogencia di ‘sausage’, ham of ‘bacon’, den platter style of den cualkier surtido di Big Breakfast. Esaki ta e manera mas ideal pa inicia bo dia.

McDonald’s ta establece relacionnan fuerte cu e proveedornan y ta sigui apoya nos companianan local. E negoshinan local ta contribui directamente of indirectamente na economia di nos isla. Cu masha orguyo a anuncia e aliansa entre McDonald’s Aruba y Bright Bakery pa e dushi pan 100% local y tambe e dushi pastechi.

"McDonald's ta constantemente innovando pa satisface preferencia di consumidornan local. E cambio di pan den e desayuno local ta un reflexion di nos compromiso continuo pa complace e smaak local y converti nos mes den e establecimento faborito di comunidad", asina Fabian Latinga, Operations Supervisor di Arcos Dorados Aruba a enfatisa na momento di anuncia e productonan aki. McDonald's ta ofrece un variacion di producto riba nan ‘breakfast menu’. Por pidi e pan crioyo den McCrioyo Bacon, McCrioyo Ham, McCrioyo Sausage, Pastechi, Big Breakfast y Big Breakfast Deluxe. Por disfruta di tur e opcionnan aki den McCombo cu hash brown, koffie of juice. Tambe McDonald’s ta introduci e popular y tan gusta pastechi, cu ta uno delicioso, yena cu sea carni mula, keeshi cu ham of keeshi solamente y esaki como parti di e menu di desayuno. Esaki ta un otro inovacion di menu di McDonald’s pa asina satisface nos localnan cu un amplio menu di escogencia y gusto.

McDonald’s ta mantene un standard halto den tur producto cu ta sirbi na clientenan. Ta mantene an mes na un protocol hopi estricto pa garantisa e frescura y beneficio nutricional. Ademas di control di calidad internamente, e ingredientenan y productonan suministra pa nos proveedornan mester cumpli cu standard riguroso pa por sirbi na e restaurantnan. McDonald’s ta para riba cu ta sirbi solamente ‘lo miho’ na nan clientenan.