Maduro: E crisis ta stroba Gobierno di absorba subida di prijs di gasolin

ORANJESTAD – Debi na e crisis actual, gobierno no por absorba subida di gasolin e biaha aki. Asina minister di Economia Xiomara Maduro a informa diamars. Manera ta conoci, awe tin subida considerable di prijs di gasoline y otro productonan petrolero na Aruba. E mandatario como tal a brinda un splicacion riba e subida di prijs di gasolin. 

AUMENTO

Na comienso di aña semper gasolin ta subi di prijs riba mercado internacional. E subida di prijs mas grandi hopi biaha ta den luna di april. Na aña 2019 Gobierno di Aruba via Refineria di Aruba (RDA) a absorba 16.2 cent pa por a trece un alivio. Den aña 2020 door di e pandemia prijs di gasolin a baha cu 52.5 cent den april y mei. E biaha aki gasolin ta subi den april cu 12.8 cent. 

CRISIS

Lamentablemente debi na e situacion di crisis, Gobierno no por absorba e subida aki via RDA manera a haci na aña 2019. Motibonan cu prijs di gasolin ta subi ta door di produccion limita, economia mundial a cuminsa recupera y winter tabata mas fuerte.mundial a cuminsa recupera y winter tabata mas fuerte.