Oduber: Aruba lo haya solamente un tipo di vacuna: Pfizer

ORANJESTAD – Aruba lo haya solamente e vacuna Pfizer pa henter e isla. Asina minister di Salud Dangui Oduber a bisa riba su pagina di Facebook. Segun e mandatario, e confirmacion a bin despues di un reunion cu e.o. secretario di estado Hulandes Blokhuis. Cu esaki, ta kita e duda cu Aruba lo (mescos cu ta e situacion na Corsou) a haya tambe e vacuna Moderna. Esaki ta kita tambe e duda di hopi cu a kere cu nan lo por haya un vacuna di Pfizer y otro di Moderna. 

MAS VACUNA

E mandatario a bisa tambe cu conforme palabracion, otro siman diaranson 14 april 2021 nos lo mester a haya conforme palabracion 11.700 vacuna. “Nos a haci peticion pa nos por haya mas vacuna y awe Hulanda a confirma cu cu otro siman diaranson nos ta bai haya 30.420 vacuna” Oduber a bisa.