Warda Costa a tira riba boto sospechoso yegando Aruba

ORANJESTAD - Ayera nochi, 8 di April 2021 pa mas o menos 10’or y mei e Centro di Rescate di Wardacosta a wak riba radar un contacto saliendo for di area di Arashi. Asina e instancia ta raporta diabierna mainta. Segun e raportahe ta sigui bisa, mes ora e Metal Shark-11 a sali pa indentifica e contacto. Pa mas o menos 23:00 e Metal Shark a para e boto na 5.5 miya foi Manchebo Beach despues di un persecusion unda ta tin cu saca un tiro di advertencia pa para e boto. Sinembargo esaki no kier a stop. E ora ey mester a tira dirigí riba e motornan di e boto pa stop esaki. A encontra 2 hende homber Venezolano abordo .  Mientras tantu a pidi cuerpo policial di Aruba pa bai wak den area di Arashi komo ku tabata sospecha ku ilegalnan por a subi tera ó ku por a laga droga atras. Polis no a haña nada sospechoso den e area. Wardacosta a sleep e boto cu no ta tin niun nomber ni number di registracíon, bai ku né na e punto di sostén di wardacosta pa más investigacion. Pa 03:00 di mainta a entrega e dos hombernan na Warda Nos Costa.