Arends: Peculiar cu rapport riba RdA ta keda cla algun luna prome cu eleccion

ORANJESTAD – Actual parlamentario Richard Arends (AVP) cu ta un di e motibonan pa gobierno a pidi un investigacion y rapport di Refineria di Aruba (RdA) ta haya ‘hopi peculiar cu e rapport a keda cla algun luna prome cu eleccion’. Asina e parlamentario ta reacciona na noticiacla riba e prome informenan di e rapport di diahuebs mainta. “ E contexto den cua e rapport a wordo traha ta pas den e liña di un campaña baho pa difama un contrincante politico” sr Arends ta sigui bisa. 

ACLAREA

“ Mi no tabata tin necesidad pa atrasa ningun investigacion, como cu mi mes kier a aclarea hopi punto” sr Arends a continua bisando. “ Un investigacion forensico drechi no mester di niun hende pa e wordo haci. Nan tabata dunami e termino nan pa contesta. Un maneho diferente di un otro gobierno den un empresa estatal, no ta nifica cu e maneho di e accionista of directiva anterior tabata fout” sr Arends a siguis bisa. Segun sr Arends, den prome minister su argumentacion: ora ta trata otro ta 'mismangement', pero e gastonan y compromisonan cu nan ta hasi si ta 'hustifica’. Te aki e parlamentario su reaccion awe mainta. Segun sr Arends, mas comentario e no por a duna, pasobra e mes no a mira e contenido di e rapport ainda.