EMA: Posibel relacion entre trombose y vacuna di AstraZeneca

BRUSELAS – E ekivalente di CDC Europeo, esta EMA, a informa cu tin un possible coneccion entre e combinacion raro di trombose y un caida di cantidad di plachinan di sanger y e vacuna AstraZeneca. Asina e instancia ta bisa riba su portal awe. E problemanan combinacion ta keda un efecto secundario raro. Mes momento a bisa cu cantidad di bentaha ta surpasa e cantidad di desventaha. Ultimo dianan EMA a investiga e possible efectonan secundario di e vacuna den mas detaye. Den Europa den decenas di persona a haya problema cu e combinacion di problema net despues cu nan a keda vacuna cu e vacuna aki. Hulanda a ricibi por lo menos 5 keho, mientras cu mas di 400 mil vacuna a wordo haci cu esun di AstraZeneca. Hulanda a para e vacunacion cu AstraZeneca, pa hende bou di 60 aña debi na e efectonan secundario. Ta evaluando si ta bay reanuda e proceso di vacunacion cu e tipo di vacuna aki. 

 .