- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
- E careda di ciclista ‘12 Hours di Aruba’ ta bolbe na 2024!
- Coredornan di Aruba ta cla pa e marathon di Londen pa diadomingo
Kico ta IQOS?
(ADVERTORIAL)
ORANJESTAD - Aruba ta un di e promer mercadonan den Caribe pa ofrece IQOS, un producto di tabaco keinta, pa humador adulto.
IQOS ta un producto di tabaco keinta, cu ta fundamentalmente diferente di cigaria. IQOS ta e producto di riesgo reduci mas avanza, desaroya pa Philip Morris International (PMI), e compania tras di e marcanan iconico manera Marlboro. IQOS ta usa tecnologia sofistica pa keinta ‘sticks’ di tabaco specialmente diseña, comercialmente conoci como HEETS, eliminando huma di cigaria, shinishi y reduciendo holor.
Ciencia, tecnologia y innovacion tin un historia largo di mehora salud publico, di refrigera cuminda den siglo 19, a traves di seatbelt, airbag y otro innovacion te na aparato cu por yuda hende discapacita cana. Pakico no extende e principio aki pa aplica tecnologia nobo cu e meta di reduci riesgo di enfermedad relaciona cu humamanto?
Humamanto ta dañino. Esaki ta un hecho comunmente conoci. Pero hopi biaha hende no sa pakico. Hopi hende ta supone cu ta e nicotina cu ta haci humamento di cigaria dañino. Mientras e ta adictivo, de hecho expertonan ta di acuerdo cu ta e proceso di kimamento cu ta produci e quimiconan dañino reconoci como e causa primordial di enfermedad relaciona cu humamento.
Tecnologia di awendia ta permitiendo e desaroyo di un categoria nobo, innovativo di producto di riesgo reduci y liber di huma cu ta elimina o ta reduci significativamente e quimiconan dañino aki, cu tur ta comparti un caracteristica comun: e ausencia di tabaco kimando.
Producto di tabaco keinta manera IQOS ta ehemplo di e categoria emergente y innovativo aki cu por ofrece alternativa hopi mihor cu huma cigaria.
Ciencia, innovacion y tecnologia ta na curazon di vision di Philip Morris International di convence tur esnan cu di otro manera lo continua cu humamento pa cambia pa producto liber di huma mas pronto posible.
Producto liber di huma no ta liber di riesgo y e mihor escogencia pa cualkier humador ta pa stop completamente cu tabaco y nicotina. Sin embargo, hopi no ta haci esey. PMI ta desaroya producto liber di huma, manera IQOS, pa e poblacion grandi aki.
Desde inicio di su programa liber di huma na 2003, PMI a contrata mas di 430 experto di ‘R&D’ (Research & Development), entre nan 300 cientifico altamente capacita, y a inverti $8.1 biyon pa desaroya, evalua y produci producto cu e potencial di ta significativamente menos dañino.
Na jul 2020, U.S. Food and Drug Administration (FDA) a anuncia su decision di autoriza IQOS como un producto di tabaco di riesgo modifica, cu informacion reduci di exposicion. E agencia a declara cu “e evidencia cientifico disponible ta demostra cu e emision di un orden di modificacion di exposicion pa IQOS lo ta apropia pa promove salud publico y ta anticipa pa beneficia salud di e poblacion den su totalidad, tumando na cuenta tanto usuario di producto di tabaco como persona cu no ta usa normalmente producto di tabaco.”
FDA a autoriza mercadeo di IQOS na Merca cu e siguiente informacion:
E sistema IQOS ta keinta tabaco pero no ta kim’e.
Esaki ta reduci significativamente e produccion di quimico dañino y potencialmente dañino.
Estudionan cientifico a demostra cu cambia completamente di cigaria convencional pa e sistema di IQOS ta reduci significativamente exposicion di bo curpa na quimico dañino o potencialmente dañino.
Na henter mundo, mas di 17 miyon humador awor ta usando IQOS y casi 13 miyon a cambia completamente. Pa mas informacion di IOQS bishita www.iqos.com & www.pmiscience.com.
Superior Tobacco Company N.V., un afiliado di Philip Morris International, recientemente a introduci IQOS na Aruba. IQOS y HEETs lo ta disponible na humador adulto na Lings and Sons.
CBS: Bestaansminimum a subi atrobe na Aruba debi na aumento di gasto di cuminda
ORANJESTAD - E bestaansminimum ta e nivel minimo di entrada cual ta wordo percibi cu ta necesario pa logra mantene un nivel di bida adecuado den un cierto pais. Usualmente e bestaansminimum ta wordo determina door di calcula e gasto di tur e recursonan esencial cu un adulto ta consumi den un luna of aña. Generalmente esaki ta wordo yama un indice basico di necesidad, y e ta varia segun e prijs di cuminda, paña, vivienda, transporte y otro articulonan den e “canasta”. Escalanan di ekivalencia ta wordo usa pa ahusta e nivel minimo di entrada percibi pa hogarnan di diferente tamaño y composicion. E escala ta asigna un peso di 1.0 pa e prome adulto y 0.5 pa cada adulto adicional den e hogar (edad 16+) y un peso di 0.3 pa cada mucha (edad 0- 15 aña). E bestaansminimum ta basa riba cifranan di e rapport “Bestaansminimum 2010” y ta wordo actualisa mensualmente pa cu inflacion usando e CPI mensual. E unidad di referencia den e rapport aki ta di un hogar cu ta consisti di dos (2) adulto y dos (2) mucha (edad 0-15 aña).
WEB Aruba ta firma acuerdo cu Seven Seas Water Group pa construi planta SWRO-3
ORANJESTAD – Diaranson dia 17 di mei ultimo, WEB Aruba y Seven Seas Water Group (SSWG), un proveedor multinacional di ‘Water-as-a-Service® (WaaS®) solutions’, a firma un acuerdo Build-Own-Operate-Transfer (BOOT) cu un termino di traspaso di 10 aña. Seven Seas Water (Aruba) VBA lo construi un planta di SeaWater Reverse Osmosis (“SWRO”) cual lo contribui cu un minimo di 16.500 meter cubico di awa potabel pa dia. E asina yama SWRO-3 lo ta parti di WEB Aruba su plan di termino largo y su Water Road Map pa satisface demanda continuo di awa, manteniendo suministro confiabel. E planta nobo lo reemplasa e actual facilidad temporal di produccion di awa. SSWG a haya e contrato despues di un proceso di tendering y negociacion na 2023. Lo construi e planta SWRO-3 riba tereno existente di WEB y ta planea pa cuminsa opera pa medio 2026.
Banco Central ta mantene e tasa di reserva obligatorio na 22,0 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 26 di februari 2024, CMM a dicidi pa mantene e tasa di e reserva obligatorio na 22,0 porciento entrante 1 di maart 2024. Di e manera aki, e banconan comercial mester tene un balansa minimo na BCA cu ta igual na 22,0 porciento di e depositonan riba termino cortico di nan clientenan. E decision pa mantene e tasa di reserva obligatorio ta basa primordialmente riba e reservanan oficial cu ta relativamente serca di e limite minimo di e ARA, apesar cu tanto e reservanan oficial como e reservanan internacional a keda adecua y ta premira pa permanece asina durante 2024. Adicionalmente, likides excesivo di e sector bancario ta mustra un tendencia ascendente durante e ultimo lunanan. Finalmente ta considera prudente di mantene e reserva obligatorio na su nivel actual, mirando crecemento continuo di credito y su efecto potencial riba reservanan internacional. BCA ta sigui monitorea e desaroyo den e reservanan y likides excesivo y lo por dicidi di cambia e tasa di reserva obligatorio, si ta considera esaki necesario.
Schlipken: Aruba ta spera 18 mil turista Brasilero den 2024
SAO PAOLO – Aruba ta spera 18 mil turista Brasilero den 2024. Asina e director di turismo di ATA pa Latino Americano, Jordan Schlipken Croes a declara e siman aki na e portal PANROTAS, durante e evento WTM Latin America na Sao Paolo. Segun Croes, Brazil ta e di tres mercado Latino mas grandi pa Aruba, despues di Colombia y Argentina. Ta mustra cu na 2023 tabatin 14 mil bishitante di Brazil pa Aruba. Segun Croes, un di e motibonan di e cifranan grandi aki, ta e gastonan di e Brasileronan den e pais. Pa por yega e cifra di 18 mil Brasilero, Aruba tin 4 strategia principal pa e pais, fuera di e participacion na e bolsa di turismo Brasilero. Esaki ta e.o. incentivonan cu e operadornan y agente di biahe, ya cu 70% di Brasilero cu ta biaha pa Aruba ta cumpra nan pasashi via agentenan di biahe.
Aeroliña Mericano a reduci prijs di pasashi pa Aruba cu 50% e siman aki!
BOSTON – E aeroliña Mericano conoci pa tarifa reduci, JetBlue a reduci su tarifa mas ainda, cu 50% pa biahero pa e.o. Aruba. Nan ta yame un deal special di 2 dia ‘Hit Refresh’, unda cu dentro di e dos dianan aki, e biaheronan mester cumpra e pasashi. Por usa e biahe entre 7 di mei pa 12 di juni y no tin asina yama ‘blackout dates’ osea dianan cu bo no por biaha. Pa Aruba e prijs a wordo reduci cu 50% di p.e $776 dollar te na $378 round trip. No ta algo inusual y ta algo cu nan ta haci frecuente, pero ta sigui interesante. Tur e pasashinan tin cu origina for di Boston.
DEACI a otorga mas di 100 permiso pa negoshi nobo caba den 2024
ORANJESTAD - Pa cuminsa un negoshi of haci cambio den e permiso pa negoshi segun ley, mester haci un peticion pa permiso di negoshi via e website di Departamento di Asuntonan Economico, Comercio y Industria (DEACI) y ta wordo otorga bou di responsabilidad di Minister di Asuntonan Economico.
Follow NoticiaCla
