Kramers: Investigacion riba huida misterioso na Guarda nos Costa no ta cla

Kramers: Investigacion riba huida misterioso na Guarda nos Costa no ta cla

Posted on 04/7/2021 9:11 am AST | Updated on 04/7/2021 9:11 am AST

ORANJESTAD - Investigacion riba huida misterioso na Guarda nos Costa no ta claainda. Asina e persona encarga cu e departamento temporalmente, Richard Kramers a bisa den un comunicado. Segun Kramers, durante e dianan di fiesta un of mas medio di comunicacion a indica a base di rumornan cu lo a comete fayo den e proceso di duna 5 empleado di Guarda nos Costa prohibicion di entrada na trabou. "Al contrario, e investigacion ta avansando. Y aunke tabatin algun dia liber memey, nos ta sigui traha y investiga", asina   Kramers a duna di conoce. E ta referi na un investigacion andando relaciona cu un persona sin status legal cu a logra huy na un forma hopi misterioso for di e centro di reclusion.

Tabata dia 28 di maart 2021 cu un ilegal cu a yega via boto a huy for di e facilidad di Guarda nos Costa. E ilegal no tabata den su cel ora dia a habri y ta te mainta cu algun otro ilegal a notifica di su desaparicion. Mirando cu no por a conclui con e persona a logra huy, sea ta su so of cu ayudo di paden, a dicidi di start un investigacion. 

Pa por duna e investigadonan e espacio necesario, a duna e empleadonan envolvi durante e warda cu e ilegal a huy un prohibicion di entrada na trabou a base di e Ordenansa cu ta regarda ambtenaar ("LMA"). 

"Esaki ta un practica masha normal", Richard Kramers a splica. No ta prome biaha cu un ilegal ta huy, pero e huymento di dia 28 maart 2021 tabata diferente y e circunstancianan a duna sospecho cu algo no ta klop, pa cual motibo a start cu un investigacion, pa asina aclarea y pa kita tur duda. 

Si un persona no ta di acuerdo cu un desicion asina semper e por acudi na Corte a base di e propio LMA. Ley y jurisprudencia ta mustra cu Land Aruba tin discrecion como doño di trabow pa impone un prohibicion di entreda na pia di trabow di minimo 6 siman den casonan similar, pues e persona of personanan cu a acudi na e medionan di comunicacion no conoce of ta ignora e procedura normal y ta purba trece confusion innecesario. En todo caso lo sigui cu e investigacion pa haya sa kiko a pasa paso e circunstancianan bow cual e persona a huy no ta normal.

  • Aruba a conoce su prome morto di trafico pa 2021

    Aruba a conoce su prome morto di trafico pa 2021

    ORANJESTAD - Diabierna anochi pa mas o menos 7:20 central di polis  ta wordo notifica di un accidente basta fuerte entre un Van blanco numera A-9947 y un brommer na e crusada LG Smith blvd y Adrian Lacle Blvd. Patruya cu a jega na e sitio di e sucedido a pidi ambulance cu maximo urgencia. Lamentablemente personal di ambulance no por a haci nada pa cu e joven. Pa 8:05 dr Texier ta constata morto di Kiven Michael DANIA, naci na Aruba , 5  januari 2000. Specialista di trafico a jega na e sitio, tambe BFTO, slachtofferhulp. Noticiacla ta manda palabra di forza pa famia di e fayecido. 

  • Durante entrada hudicial a detene 1 persona awe marduga

    Durante entrada hudicial a detene 1 persona awe marduga

    ORANJESTAD - Diabierna mardrrga  Recherche di Oranjestad a haci un entrada hudicial na un cas na Turibana y a detene e homber di nacionalidad Venezolano di inicialnan Y.E.M.F. Di 32 aña pa menasa. Na e cas tambe a confisca dos pistool y dos rifle di “airsoft”. Pa Cuerpo Policial por resolve mas caso cooperacion di pueblo di Aruba ta hopi importante pesey ta pidi si bo tin cualkier informacion yama tiplijn di tiplijn 11141.

  • Sospechoso di asesinato di Brazil deteni marduga

    Sospechoso di asesinato di Brazil deteni marduga

    SAN NICOLAS - Awe diabierna madruga recherche di San Nicolas a haci un entrada hudicial na un apartamento na Olijfistraat. Esaki en conexion cu e asesinato cu a tuma lugar na Brazil. Ta trata di e homber P.A.B. naci na Aruba di 22 aña.

  • Atraco team a haci varios entrada hudicial diabierna marduga

    Atraco team a haci varios entrada hudicial diabierna marduga

    ORANJESTAD - Diabierna madruga Atracoteam a haci un entrada hudicial na un na cas na Tanki Leendert y un na Bakval. A detene e homber di nacionalidad hulandes J.M.R. 24 aña. na e cas Bakval .Pa Cuerpo Policial por resolve mas caso cooperacion di pueblo di Aruba ta hopi importante pesey ta pidi si bo tin cualkier informacion jama tiplijn di tiplijn 11141.

  • Personal di recherche di Noord a bay den accion awe mainta

    Personal di recherche di Noord a bay den accion awe mainta

    SHABA – Departamento di Recherche na Shaba diahuebs mainta a bay den accion debi cu nan situacion di trabou ta deplorable y no ta hayando atencion. Asina presidente di e sindicato di polis SPA, Joselito Dirkz a bisa. E problema ta tardansa pa haya material pa por haci nan trabou drechi, y ta papia aki di 4 aña di espera. A splica cu recherche tin cu para den rij pa por traha riba computer y cu e situacion di trabou no ta esun miho. A pidi atencion di minister di husticia Andin Bikker, ya cu sr Errol Zebeda encarga cu e parti aki, segun Dirkz, lo no ta hacienda su trabou drechi y no ta ehecutando maneho di e minister. A dicidi como tal, pa pone trabou abou pa algun ora. Potret ta di archivo di un accion di 2019 na warda di Santa Cruz, ora recherche di Playa a bay den accion.

  • Preso y trahadonan na KIA a cuminsa vacuna contra Covid19

    Preso y trahadonan na KIA a cuminsa vacuna contra Covid19

    SANTO DI PATIA – E siman aki a start e vacunacion di e presonan na KIA. Director di e instituto a confirma esaki tambe. Ademas di cliente tambe a vacuna algun empleado cu no a ricibi nan vacuna ainda. Directie a encurasha tur cliente y empleado pa hasi uso di e oportunidad aki pa asina nan por logra 85% di nos poblacion vacuna.

  • Powered by SETAR