E hoben David Kock Jr ta den noticiacla LIVE papiando riba su negoshi di koffie

ORANJESTAD – E hoben di apenas 17 aña David Kock Jr, a crea un negoshi local di koffie (Kompa Nanzi) y ta bende na Aruba caba. Su idea, y producto final ta e tema principal den noticiacla LIVE awe nochi 9’or. E hunto cu su ruman Daniel tin e negoshi aki local, mientras cu ambos ainda ta bayendo scol (Colegio Arubano). David ta conta di con tur cos a cuminsa, kico nan ta haci, y con esaki ta funciona. Ademas si esaki ta bira nan futuro, (David ta den examen klas di VWO), of si e ta un negoshi ‘temporal’. Sigur un programa cu por motiva cualkier hoben di tambe haci algo asina, y usa su tempo sano, y siña maneha e bida diario di estudio y otro cos. E programa ta pasa awe nochi 9’or riba e Plataforma di noticiacla, website, Facebook y app.