Howell: Pago bek di voorschot posiblemente a bira un problema legal pa POR

SAN NICOLAS – E posibilidad cu a usa placa di fondo pa paga Alan Howell, pa cubri su voorschot duna pa trabounan haci delanta, por ta e motibo cu awe tin un investigacion penal contra e partido. Asina e lider di partido POR (Howell) a purba clarifica den su di dos intento pa clarifica su situacion cu el a haye aden. E situacion unda cu ministerio publico a congela e fondonan di e partido, riba sospecho di malversacion. Mes momento Howell ta sigura cu formalmente e no ta poni como un sospechoso (ainda). 

CONFERENCIA DI PRENSA

Howell a tene un conferencia di prensa diamars mainta laat unda cu el a sigura cu e no a haya un oportunidad pa splica su mes ainda drechi kico por a pasa cu e situacion akil. Fuera di e posibiulidad menciona di e idea di voorschot,  e no tin un idea kico por a pasa, y como tal el a delibera cu su abogadonan pa wak kico ta kico. 

PLACA DI FRACCION

A splica e proceso di placa di fraccion, esta e asina yama fractie geld, cu ta un suma di placa mensual cu tur fraccion tin derecho riba dje. Mirando cu e fraccion ta uno chikito (apenas 2 asiento), tin mas chens pa haci mucho mas cos util cu e placa, compara cu un partido cu tin 9 hende den un fraccion. Tur luna e partido ta haya mas of menos 15 mil florin pa disposicion di e fraccion. E (Howell) ta imagina cu kizas door di haci cierto transaccionnan y depende con grandi e suma ta, cu MOT (Meldpunt Ongebruikelijke Transacties) por a haci un notificacion (un red flag). Algo cu Howell ta considera normal. Loke si e no ta compronde ta cu si a mira Alan Howell haci cierto transaccion cu tin pregunta na dje, pakico ningun hende a bin cerca dje y puntre. 

HABRI BUKI

A bisa cu no tin ningun problema pa tesorero habri buki y mustra kico ta kico. “Pasobra nos tin tur cos netchi netchi den buki”. 

Ademas si tin cualkier transaccion cu a bay di e fondo di partido, pa e cuenta di banco di Alan Howell cu e tin,  e unico manera ta pasobra ya caba prome ora cu el a duna e trabou na e persona cu tin cu haci e trabou pa fraccion, ya el a duna un voorschot caba pa haci e trabou. Pues, segun Howell,  esey e ta kere por ta e problema cu Howell ta kere cu a sosode. Despues di eynan cu presenta e invoice na e tesorero, e tesorero, ta debolbe e placa bek. “Kiermen, si a yega na Alan Howell y haci pregunta, mi ta kere cu nos lo no ta den un situacion caminda nan mester a haci un investigacion penal” Howell a bisa. E ta considera e asunto como un political stunt,  y a sugeri den e direccion ey pa bari e persona for di mesa y haci su bida amargo. 

BON NOMBER

Segun Howell, el a sigura cu e no a coi placa manera cu ta pretende y cu sigur e no a coi ningun debchi di placa di gobierno. E ta haye tambe imposibel cu prome minister di Aruba ta usa ‘su bon nomber’ den e caso aki y asina purba daña su reputacion. Potret cortesia screen schot  24ora.