Fundacion SECA y #TABASTA ta lamenta retiro di gobierno sin cu a atende cu nan

ORANJESTAD - Stichting End Child Abuse (SECA) cu e movimento #TABASTA ta lamenta cu Gabinete Wever-Croes a entrega retiro dia 30 di maart 2021 ‘paso nantin e carta aki traha pa entrega awe 1 di April 2021 pa urgi gobierno pa e reunion cu nos a pidi for aña pasa di 21 di aug 2020’. Asina e fundacion a bisa den un carta recientemente, cu e portal aki a ricibi despues como copia,. Nan ta considera esaki como esaki ta un “lopende zaak” for di aña pasa, y ta spera di haña un respuesta mas pronto posibel. Nan ta argumenta cu ‘ta imposibel cu un Gobierno cu a campaña y priminti cu e lo trece e “ cambio “ ta ignora e problema grandi aki y nota hacie un prioridad especialmente si e “ hende ta central “ 

Segun e fundacion, dia nan a entrega e manifesto riba 3 di juli 2020 cu e 18 puntanan, nan a pidi Gabinete Wever-Croes pa haña un respuesta den un luna cual segun nan, nan no a haña.   

Stichting End Child Abuse (S.E.C.A) cu e movemento #TABASTA, ta sigura cu nan a colecta mas cu 12 mil firma y a organisa un marcha grandi riba 3 di juli 2020 cu tabata un manifestacion den cual pueblo a duna un mensahe cla “No mas na abuso di mucha“. “Cual pueblo a demostra su disgusto riba e sistema den su totalidad y cu actualmente mester bin cambio”. Lesa e carta completo AKI.