Aruba y Corsou hunto a ricibi 30 mil vacuna extra contra Covid19

Aruba y Corsou hunto a ricibi 30 mil vacuna extra contra Covid19

Posted on 04/6/2021 8:59 am AST | Updated on 04/6/2021 9:12 am AST

DEN HAAG – Aruba y Corsou a ricibi hunto 30 mil vacuna extra contra Covid19 for di Hulanda. Asina servicio di informacion di gobierno Hulandes a informa. Fuera di e ayudo aki, a manda 20 medico y enfermero pa Corsou pa yuda nan atende cu e pandemia cu a afecta e isla grandemente. E isla a surpasa 4000 caso activo di Covid19 y un cantidad alarmante di casonan positivo pa dia. Ademas den e proximo dianan lo tin 9 medico y enfermero Hulandes preparando pa sali pa e isla. Via e oficina di empleo Mericano AMI, tin 15 ta yegando Corsou for di merca. Esaki ta possible danki na e ministerio di salud Hulandes.  

  • ABN Amro ta cera areglo cu Ministerio Publico riba caso di labamento di placa

    ABN Amro ta cera areglo cu Ministerio Publico riba caso di labamento di placa

    DEN HAAG – Ex minister Gerrit Zalm ta sospechoso den e caso penal riba labamento di mey biyon di euro na ABN AMRO na Hulanda. Asina Ministerio Publico a informa dialuna. Mes momento a raporta cu e banco a yega na un areglo di pago cu Ministerio Publico den e caso grandi aki.  Hunto cu Zalm, tin ex director Chris Vogelzang cu tambe ta sospechoso. Como tal ambos a retira di nan funcion actual. Zalm tabata miembro di directiva di Danske Bank y Vogelzang como hefe mas halto di e banco. No obstante e hecho sinembargo cu nan ta sospechoso, esaki no kier men cu nan lo wordo persigui pa Ministerio Publico. Asina e portal di noticia NOS ta raporta. Si nan mester presenta dilanti huez, e dosnan menciona lo por haya castigo di prison di 2 aña maximo. OM ta bay sigui investiga si tin suficiente prueba cu nan a comete actonan castigabel. Asina cu e investigacion termina, lo dicidi si ta persigui nan. Cu e hecho e dos personanan aki ta sospechoso, ta nifica tambe cu e actual reemplasante di Zalm, Kees van Dijkhuizen ta un sospechoso. Durante tempo di e periodo di labamento di placa, e tabata encarga cu e banco ABN Amro.

  • Vera Bergkamp (D66) eligi como presidente di Tweede Kamer

    Vera Bergkamp (D66) eligi como presidente di Tweede Kamer

    DEN HAAG – E miembro di partido Hulandes D66 a keda eligi como e proximo presidente di Tweede Kamer, reemplasando asina Khadija Arib (PvdA) cu desde 2016 a presidi e camber ey. Arib tabata un di e tres candidatonan fuera di Bergkamp y Martin Bosma. Bergkamp a logra caba den e prome ronda, 74 di e 139 votonan, Arib 38 y Bosma 27.  

  • Tjink Willink lo fungi como informador pa sigui cu formacion di gabinete nobo Hulandes

    Tjink Willink lo fungi como informador pa sigui cu formacion di gabinete nobo Hulandes

    DEN HAAG – Parlamento Hulandes (Tweede Kamer) a nombra ex politico Herman Tjink Willink diamars durante un debate como informador, pa asina continua cu e formacion di gobierno nobo Hulandes. E prome trabou ta pa e informador ta pa reuni cu 17 lider di fraccion den Tweede Kamer. Diaranson ta tuma lugar e eleccion di presidente nobo pa Tweede Kamer. E idea tabata di partido D66 cu a sostene esaki. Sr Willink ta haya tres siman tempo pa traha riba e formacion. Ora cu e bin bek cu e resultadonan, e combersacionan cu lidernan di fraccion ta bira publico. 

  • Hulanda ta pidi su ciudadanonan cu ta temporalmente na Corsou, pa bolbe mesora debi na Covid19

    Hulanda ta pidi su ciudadanonan cu ta temporalmente na Corsou, pa bolbe mesora debi na Covid19

    WILLEMSTAD – Gobierno Hulandes a pidi ciudadanonan Hulandes cu ta permanece na Corsou temporalmente, pa bolbe Hulanda bek debi na e situacion alarmante di Covid19 riba e isla. E mensahe cu e representacion di Hulanda na Corsou ta bisa e.o. cu  cu debi na e situacion di Covid, e capacidad di cuido no ta disponible y debi na e grado halto di contagio, ta bin mas bou di presion ainda. “Debi na esey no por garantisa cuido medico” e mensahe ta sigui bisa. Cuido regular a stop, y mester alivia e cuido pa por atende cu e fluho nobo di pashent.  Como tal gobierno Hulandes ta pidi su ciudadanonan pa bandona e isla mas lihe cu ta posibel, si e bishita no ta estrictamente necesario. 

  • Knops: Retiro di gabinete Wever Croes no ta afecta cooperacion entre Hulanda y Aruba

    Knops:  Retiro di gabinete Wever Croes no ta afecta cooperacion entre Hulanda y Aruba

    DEN HAAG – E hecho cu gobierno di Aruba a entrega retiro, no ta cambia e cooperacion entre Hulanda y Aruba pa loke ta e ayudo di salario pa e isla. Asina secretario di estado Hulandes Raymond Knops a bisa diaranson mainta na Hulanda. Segun e mandatario, combersacionan ta continua riba e pakete di sosten, cu e gabinete demisionario, pasobra esaki ta asuntonan coriente pues e ta possible. Ademas segun Knops, tin sosten politico amplio pa e paketenan economico y e reforma cu ta para pa esey. Palabracionan nobo como tal no ta na peliger segun e mandatario. Y cu palabracionan nobo, ta referi na e pakete di ehecucion y e combersacionan pa cu esaki. 

  • Miembronan di Tweede Kamer ‘nobo’ na Hulanda a huramenta

    Miembronan di Tweede Kamer ‘nobo’ na Hulanda a huramenta

    DEN HAAG – E Tweede Kamer nobo a keda huramenta diaranson mainta. Tur miember a huramenta. Entre nan tin 58 persona cu ta nobo, di cual esun mas cerca di nos ta Jorien Wuite, cu tabata minister plenipotenciario pa St Maarten, na Hulanda. E ta riba partido D66 y tin e cartera e.o. di Relacion di Reino. Tin dos persona  D66'ers Paulusma y De Groot no tabata presente. Ambos ta relaciona cu Covid19 y ta den cuarentena. Debi na e medida di corona, a haci e instalacion di e miembronan den tres grupo. Tres miembro ta drenta cu voto preferencial, cu ta Bouchallikht y Westerveld di GroenLinks y Koekkoek di Volt. Di tur candidato cu no tabata lider di partido, e miembro di CDA  Omtzigt a haya e mayoria di e votonan preferencial esta 342 mil. E partido mas grandi den Tweede Kamer ta keda   VVDcu 34 asiento, sigui pa D66 (24), PVV (17). CDA (15), SP (9), PvdA (9), GroenLinks (8), Forum voor Democratie (8). Partij voor de Dieren (6), ChristenUnie (5), Volt (3), JA21 (3), SGP (3), Denk (3), 50Plus (1), BoerBurgerBeweging (1), Bij1 (1).

  • Powered by SETAR