Por lo menos 2 partido lo no por participa na eleccion pasobra no a keda cla

ORANJESTAD – E decision di gobierno di Aruba pa entrega retiro di sorpresa diamars, a pone cu mayoria partido politico a keda gara fuera di base. Algun mas cu otro. E portal aki a compronde cu por lo menos dos partido, di cual uno cu a anuncia nan existencia recientemente, lo no a logra keda cla cu nan asuntonan na tempo, pa por participa na e eleccion proximo. Un di e partidonan so kier a confirma e nomber cu ta Movimento Indigena Arubano (MIA) di sra Helena Croes.  E otro partido ta sigura cu nan a keda cla toch, esta Pueblo Prome aunke e informacion cu e portal aki tin, ta bisa otro. "Nos ta aden caba", e lider politico Micheal Williams a sigura e portal aki.