Filanan largo na supermercadonan diasabra a causa aglomeracion henter dia

Posted on 04/3/2021 5:43 pm AST | Updated on 04/3/2021 5:44 pm AST

ORANJESTAD – E cambio di orario repentino diahuebs atardi di tiendanan, incluyendo supermercado den fin di siman Santo, a causa filanan largo na practicamente tur supermercado y otro negoshinan di comestible. Critica riba rednan social tabata hopi. Comerciantenan cu a acerca e portal aki, ta bisa cu ‘Black Friday’ a keda kens compara cu e loke el a experencia diasabra. Mientras cu e por ta bon pa benta, ta sinti cu e medida aki, Crisis team a crea lo opuesto di loke kier a crea, esta nada di aglomeracion di hende. Mirando cu hopi hende a conta cu diabierna of diadomingo pa haci nan compra, a haya nan mes pura ta haci compra diasabra. Tin un grupo grandi di persona cu comienso di luna, ta haci nan compra sea ta pa luna of pa siman. Tin cu ta obliga pa hacie tur diasabra pasobra placa no ta duna pa nan cumpra pa un luna completo. Ademas, cu ta un dia di fiesta, kier a stok pa celebracion na cas di Pasco Grandi. Hopi tabata e critica diasabra riba entre otro Crisis Team y gobierno pa e cambio repentino di horario di ciere di e.o. supermercadonan na Aruba. 

  • Powered by SETAR