DVG: Unicamente cuidadanonan di 60 aña of mas por 'walk in' y wordo vacuna

ORANJESTAD – Diasabra, Departamento di Salud (DVG) a haya nan mes ta aclarea un situacion cu a surgi cu e ‘walk ins’ pa vacuna. Segun DVG,  nan kier enfatisa y alabez kita tur informacion incorecto cu tin relaciona cu maneho di vacunacion. 

WALK IN

Recientemente DVG a introduci e posibilidad pa cuidadanonan di 60 aña bay ariba por "walk in"  y ricibi nan vacuna sin tin cita. Tur cuidadano di 60 aña of mas cu a registra caba y tambe cuidadanonan di 60 aña of mas cu ainda no a registra pa vacuna, ta wordo invita pa nan por yega na cualkier localidad di vacunacion cu nan carchi di AZV y nan lo wordo vacuna mesora. E maneho aki ta un bes mas unicamente pa esnan cu tin 60 aña of mas. 

INFORMACION INCORECTO

Tin persona ta distribuyendo informacion incorecto den comunidad cu ken cu ta por yega y ta wordo vacuna. E informacion aki ta uno incorecto y es cu yega na un prikpost y ta bou 60 aña y no tin cita lo no wordo vacuna.