Partido MEP a presenta nan slogan pa campaña electoral 2021

ORANJESTAD – Faltando 83 dia pa Aruba scoge su siguiente Gobierno, partido MEP a lansa nan slogan nobo di campaña 2021. Lider di e partido Evelyn Wever Croes a informa diasabra cu esaki lo ta ‘Cu bo, nos ta avansa’. Segun sra Wever Croes, esaki ta nifica cu nan kier mustra cu nan a demostra ta con tin cu goberna den tempo dificil y den tempo di pandemia. “Cu bo, pensionado, mama y tata di famia, mama soltera, comerciante, hoben, henter Aruba, generacionnan actual y futuro, ta avansa. CU BO nos lo desaroya nos economia, nos lo crea cupo di trabou, nos lo inverti den ensenjansa y deporte. Sin bo, Aruba no por avansa. Cu bonos ta avansa”. Eleccion ta dia 25 di juni proximo y dia 7 di mei proximo e partido lo presenta su lista politico nobo.