Prome minister Wever Croes ta desmenti cu Gobernador interino a nenga di firma retiro di gabinete

ORANJESTAD – Prome minister Evelyn Wever a desmenti e noticia cu ta circulando riba Facebook cu Gobernador interino a nenga di firma e retiro di e gabinete. Segun sra Wever Croes, e ta un chiste di 1 april (April Fools Day) ya cu gobernador a contesta e mandatario ‘e mesun dia’. Pues e noticia cu ta circulando no ta corecto segun e prome mandatario. 

RETIRO

Manera ta conoci diamars merdia e mandatario a acudi na gobernador interino pa entrega retiro di su gabinete despues cu nan a keda confronta cu e noticia desagradabel cu ministerio publico a pone beslag riba fondonan di e fundacion pa evita cu nan por ‘disparce’ ya cu ta sospecha cu a malversa cu e fondonan aki cu ta di pueblo. Segun e mandatario, e situacion aki ta mina e integridad di e gobierno ora cu tin un miembro di coalicion cu ta wordo sospecha di algo penal asina.