Alan Howell ta considera loke a pase como ‘golpi duro bou faha’

ORANJESTAD – Lider di partido POR Alan Howell ta considera loke a sosode cu ne e siman aki como un ‘golpi duro bou faha’. Asina el a pone riba su pagina personal di Facebook. Ora cu noticiacla a acerca Howell diahuebs pa un reaccion riba e declaracion, el a bisa cu no ta duna un reaccion y cu esaki ta su pagina personal. Mientrastanto, pa loke ta e mensahe riba su pagina personal, mientras cu e no ta haci mencion specifico di e situacion politico rond di e partido cu e ta lidera, ta cla cu el a expresa su mes riba e loke a sosode, unda cu manera ta conoci, basa riba e hecho cu ministerio publico a pone beslag riba cuentanan di e partido su fundacion, Gabinete Wever Croes a tuma su retiro.

PARA BEK RIBA PIA FIRME

Segun e declaracion di Howell riba su pagina personal di Facebook, e ta bisa cu e lo ‘para bek firme riba mi pianan’, despues di e ‘golpi duro bou faha’. “Mi a wordu avisa di strategianan vies politico pero mi mester acepta cu di e estado cu si mi no a verwacht y tampoco premira. Laga mi ta hopi cla y raspa Alan Howell hamas lo mishi cu un depchi di pueblo” Howell a sigui bisa. E ta sigura cu el a wordo acerca pa hopi hende  cu sosten den su direccion pa e situacion cu e ta considera ‘fastioso’. “ E la bisa tambe cu su abogadonan ta ‘trahando incasabel pa nos mes presenta tur prueba netchie netchie manera debe ser’. Y finalmente el a bisa cu ‘un cos ta sigur e strategia politico aki no ta bai traha pa stop un Homber manera mi pa sigui traha pa Aruba y muy especial pa pariba di brug y San Nicolas” Howell ta bisa. E ta finalisa su mensahe cu e mensahe ‘in God we trust’’. E potret ta di su pagina di Facebook.