Aruba kier introduci drive-thru voting den eleccion 2021

ORANJESTAD – Cu bista riba e proximo eleccion parlamentario di Aruba na juni e aña aki, y teniendo cuenta cu e protocol di Covid19, noticiacla a compronde cu gobierno ta evaluando pa usa e facilidad di drive thru voting, esta por vota, sin cu bo tin cu baha for di bo auto. Na Hulanda den e ultimo eleccion di Tweede Kamer, a haci esaki caba, unda cu te hasta e minister demisionario Hulandes De Jonge a haci uso di e facilidad aki, pero a bin cu su paspoort caduca y mester a busca esaki bek na cas. 

CON E TA FUNCIONA

E forma con esaki ta funciona, ta cu e votador por keda den su auto, y pasa na e urna electoral, y sin baha for di su auto, por deposita su voto den e urna cu ta ubica di tal forma cu e votador, por keda den su auto sin baha cu chens cu e por contagia cu e virus actual. A compronde cu e gastonan pa esaki no ta grandi y cu aworaki ta deliberando cuanto urna lo tin e facilidad aki y si esaki ta keda limita solamente na cierto area. Tambe si ta bay limita esaki pa ciudadanonan cu tin problema pa mobilisa.