Awe nochi 5 lider politico ta den programa di noticiacla riba eleccion 2021

ORANJESTAD – Awe nochi pa 9'or riba tur plataforma di noticiacla, nos lo presenta un programa special cu 5 lider politico of presidente di partido, na caminda pa eleccion 2021. Esaki ta pa haya un bista, un chispa di kico por spera di nan, si nan ta cla pa bay eleccion mirando cu a delanta e fecha cu 3 luna. Tito Laclé lo ta combersando cu e 5 lideran aki. Tur ta haya basicamente e mesun pregunta y den 15 minuut, y cada uno ta contesta e preguntanan aki. A tuma contacto cu tur partido, y e partidonan cu a responde tabata MEP, RAIZ, UPP, ACCION21 y HTC. Den un proximo programa lo trece e otro partidonan pendiente. No lubida, awe nochi e programa electoral special aki.