Corsou a raporta 506 caso positivo di Covid19 riba un solo dia awe

WILLEMSTAD – Na Corsou, Gobierno a hala e orario di Toque de Queda di 9’or di anochi pa 7’or di anochi entrante 2 di April proximo. Y tur negoshi, incluyendo restaurant, por ta habri solamente te 6’or di anochi. E motibo segun prome minister Eugene Rhuggenaath ta cu hospital ta completamente yen y nan a yega nan maximo. E mandatario a haci un yamada dramatico pa scucha y cumpli cu e reglanan. Cu e cifra record a yega 506 caso nobo y 2 morto diaranson, e medidanan tabata necesario. Premier Rhuggenaath a bisa cu e lo no basila pa re introduci un lockdown completo. 

E VARIANTE

E variante Britanico segun e prome mandatario, ta practicamente 100% causando di e contagion na Corsou. Segun e mandatario, hospital ta yen, y nan a yega nan maximo. Segun Izzy Gerstenbluth, esaki ta e comienso di un problema serio pasobra e cifra halto lo sigui subi aun mas, acompaña pa mas morto. Esaki debi na e situacion cu e isla ta aden aworaki, unda cu e variante mes a bira un superspreader. A informa cu e casonan di morto, ta hendenan jong ta fayece na Corsou, edad entre 40 y 60 aña di edad.