Segun premier Wever, Vice Presidente di Parlamento mester tuma su retiro

ORANJESTAD – Den un forma ‘indirecto’, prome, prome minister di Aruba Evelyn Wever a indica cu lider actual di partido POR, mester tuma su retiro den Parlamento. Despues, el a confirma cu ta trata di e mesun persona cu awe (ainda) ta vice presidente di Parlamento, esta Alan Howell. “Nos ta di opinion cu cualkier parlamentario cu wordo considera como sospechoso, mester tuma su retiro” e mandatario a bisa, refiriendo na Howell. Aunke e no a menciona su nomber inicialmente, ta obvio cu tabata referi na Howell. Pero mas laat, e la kita tur duda, ora cu el bisa cu den e caso aki ta trata di e vice presidente di Parlamento, cu ta Alan Howell. E mandatario a referi tambe mesora na e hecho cu un otro parlamentario tambe ta un sospechoso den un caso penal (Benny  Sevinger di partido di oposicion AVP den caso avestruz) si a keda sinta den Parlamento. Bayendo bek riba e caso actual, esta di awe, e ta referi na Howell cu ta vice presidente di Parlamento. “Y pesey e ta un decision dificil berdad, pero necesario”. Segun e mandatario, lo mas facil lo tabatata pa purba lijm y purba sigui. “Pero no pa algo asina serio” e mandatario a finalisa bisando.